Xenophon, Memorabilia, Ἀπομνημονευμάτων Α, chapter 6 10:

οἰεί οὖν ἀπὸ πάντων τούτων τοσαύτην ἡδονὴν εἶναι ὅσην ἀπὸ τοῦ ἑαυτόν τε ἡγεῖσθαι βελτίω γίγνεσθαι καὶ φίλουσ ἀμείνουσ κτᾶσθαι; ἐγὼ τοίνυν διατελῶ ταῦτα νομίζων. ἐὰν δὲ δὴ φίλουσ ἢ πόλιν ὠφελεῖν δέῃ, ποτέρῳ ἡ πλείων σχολὴ τούτων ἐπιμελεῖσθαι, τῷ ὡσ ἐγὼ νῦν ἢ τῷ ὡσ σὺ μακαρίζεισ διαιτωμένῳ; στρατεύοιτο δὲ πότεροσ ἂν ῥᾷον, ὁ μὴ δυνάμενοσ ἄνευ πολυτελοῦσ διαίτησ ζῆν ἢ ᾧ τὸ παρὸν ἀρκοίη; ἐκπολιορκηθείη δὲ πότεροσ ἂν θᾶττον, ὁ τῶν χαλεπωτάτων εὑρεῖν δεόμενοσ ἢ ὁ τοῖσ ῥᾴστοισ ἐντυγχάνειν ἀρκούντωσ χρώμενοσ;