헬라어 문장 검색 - ΧενοπήΜεμοραβ́1́05́

(크세노폰, Memorabilia, Ἀπομνημονευμάτων Α, chapter 5)

εἰ δὲ δὴ καὶ ἐγκράτεια καλόν τε κἀγαθὸν ἀνδρὶ κτῆμά ἐστιν, ἐπισκεψώμεθα εἴ τι προυβίβαζε λέγων εἰσ ταύτην τοιάδε· ὦ ἄνδρεσ, εἰ πολέμου ἡμῖν γενομένου βουλοίμεθα ἑλέσθαι ἄνδρα, ὑφ’ οὗ μάλιστ’ ἂν αὐτοὶ μὲν σῳζοίμεθα, τοὺσ δὲ πολεμίουσ χειροίμεθα, ἆρ’ ὅντινα ἂν αἰσθανοίμεθα ἥττω γαστρὸσ ἢ οἴνου ἢ ἀφροδισίων ἢ πόνου ἢ ὕπνου, τοῦτον ἂν αἱροίμεθα; καὶ πῶσ ἂν οἰηθείημεν τὸν τοιοῦτον ἢ ἡμᾶσ σῶσαι ἢ τοὺσ πολεμίουσ κρατῆσαι; εἰ δ’ ἐπὶ τελευτῇ τοῦ βίου γενόμενοι βουλοίμεθά τῳ ἐπιτρέψαι ἢ παῖδασ ἄρρενασ παιδεῦσαι ἢ θυγατέρασ παρθένουσ διαφυλάξαι ἢ χρήματα διασῶσαι, ἆρ’ ἀξιόπιστον εἰσ ταῦθ’ ἡγησόμεθα τὸν ἀκρατῆ;

δούλῳ δ’ ἀκρατεῖ ἐπιτρέψαιμεν ἂν ἢ βοσκήματα ἢ ταμιεῖα ἢ ἔργων ἐπιστασίαν; διάκονον δὲ καὶ ἀγοραστὴν τοιοῦτον ἐθελήσαιμεν ἂν προῖκα λαβεῖν; ἀλλὰ μὴν εἴ γε μηδὲ δοῦλον ἀκρατῆ δεξαίμεθ’ ἄν, πῶσ οὐκ ἄξιον αὐτόν γε φυλάξασθαι τοιοῦτον γενέσθαι;

καὶ γὰρ οὐχ ὥσπερ οἱ πλεονέκται τῶν ἄλλων ἀφαιρούμενοι χρήματα ἑαυτοὺσ δοκοῦσι πλουτίζειν, οὕτωσ ὁ ἀκρατὴσ τοῖσ μὲν ἄλλοισ βλαβερόσ, ἑαυτῷ δ’ ὠφέλιμοσ, ἀλλὰ κακοῦργοσ μὲν τῶν ἄλλων, ἑαυτοῦ δὲ πολὺ κακουργότεροσ, εἴ γε κακουργότατόν ἐστι μὴ μόνον τὸν οἶκον τὸν ἑαυτοῦ φθείρειν, ἀλλὰ καὶ τὸ σῶμα καὶ τὴν ψυχήν· ἐν συνουσίᾳ δὲ τίσ ἂν ἡσθείη τῷ τοιούτῳ, ὃν εἰδείη τῷ ὄψῳ τε καὶ τῷ οἴνῳ χαίροντα μᾶλλον ἢ τοῖσ φίλοισ καὶ τὰσ πόρνασ ἀγαπῶντα μᾶλλον ἢ τοὺσ ἑταίρουσ;

ἆρά γε οὐ χρὴ πάντα ἄνδρα, ἡγησάμενον τὴν ἐγκράτειαν ἀρετῆσ εἶναι κρηπῖδα, ταύτην πρῶτον ἐν τῇ ψυχῇ κατασκευάσασθαι; τίσ γὰρ ἄνευ ταύτησ ἢ μάθοι τι ἂν ἀγαθὸν ἢ μελετήσειεν ἀξιολόγωσ;

ἢ τίσ οὐκ ἂν ταῖσ ἡδοναῖσ δουλεύων αἰσχρῶσ διατεθείη καὶ τὸ σῶμα καὶ τὴν ψυχήν; ἐμοὶ μὲν δοκεῖ νὴ τὴν Ἥραν ἐλευθέρῳ μὲν ἀνδρὶ εὐκτὸν εἶναι μὴ τυχεῖν δούλου τοιούτου, δουλεύοντα δὲ ταῖσ τοιαύταισ ἡδοναῖσ ἱκετευτέον τοὺσ θεοὺσ δεσποτῶν ἀγαθῶν τυχεῖν· οὕτω γὰρ ἂν μόνωσ ὁ τοιοῦτοσ σωθείη. τοιαῦτα δὲ λέγων ἔτι ἐγκρατέστερον τοῖσ ἔργοισ ἢ τοῖσ λόγοισ ἑαυτὸν ἐπεδείκνυεν·

οὐ γὰρ μόνον τῶν διὰ τοῦ σώματοσ ἡδονῶν ἐκράτει, ἀλλὰ καὶ τῆσ διὰ τῶν χρημάτων, νομίζων τὸν παρὰ τοῦ τυχόντοσ χρήματα λαμβάνοντα δεσπότην ἑαυτοῦ καθιστάναι καὶ δουλεύειν δουλείαν οὐδεμιᾶσ ἧττον αἰσχράν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Α, chapter 5

(크세노폰, Memorabilia, Ἀπομνημονευμάτων Α, chapter 5)

상위

목록

SEARCH

MENU NAVIGATION