Xenophon, Memorabilia, Ἀπομνημονευμάτων Α, chapter 4 9:

σὺ δὲ σαυτῷ δοκεῖσ τι φρόνιμον ἔχειν; ἐρώτα γοῦν καὶ ἀποκρινοῦμαι. ἄλλοθι δὲ οὐδαμοῦ οὐδὲν οἰεί φρόνιμον εἶναι; καὶ ταῦτ’ εἰδὼσ ὅτι γῆσ τε μικρὸν μέροσ ἐν τῷ σώματι πολλῆσ οὔσησ ἔχεισ καὶ ὑγροῦ βραχὺ πολλοῦ ὄντοσ καὶ τῶν ἄλλων δήπου μεγάλων ὄντων ἑκάστου μικρὸν μέροσ λαβόντι τὸ σῶμα συνήρμοσταί σοι· νοῦν δὲ μόνον ἄρα οὐδαμοῦ ὄντα σε εὐτυχῶσ πωσ δοκεῖσ συναρπάσαι, καὶ τάδε τὰ ὑπερμεγέθη καὶ πλῆθοσ ἄπειρα δι’ ἀφροσύνην τινά, ὡσ οἰεί, εὐτάκτωσ ἔχειν;