Xenophon, Memorabilia, Ἀπομνημονευμάτων Α, chapter 2 42:

καὶ ὁ Χαρικλῆσ ὀργισθεὶσ αὐτῷ, ἐπειδή, ἔφη, ὦ Σώκρατεσ, ἀγνοεῖσ, τάδε σοι εὐμαθέστερα ὄντα προαγορεύομεν, τοῖσ νέοισ ὅλωσ μὴ διαλέγεσθαι. καὶ ὁ Σωκράτησ, ἵνα τοίνυν, ἔφη, μὴ ἀμφίβολον ᾖ ὡσ ἄλλο τι ποιῶ ἢ τὰ προηγορευμένα, ὁρίσατέ μοι μέχρι πόσων ἐτῶν δεῖ νομίζειν νέουσ εἶναι τοὺσ ἀνθρώπουσ. καὶ ὁ Χαρικλῆσ, ὅσουπερ, εἶπε, χρόνου βουλεύειν οὐκ ἔξεστιν, ὡσ οὔπω φρονίμοισ οὖσι· μηδὲ σὺ διαλέγου νεωτέροισ τριάκοντα ἐτῶν.