Xenophon, Hellenica, Ἑλληνικῶν, chapter 5 44:

εἷσ δὲ αὐτῶν καὶ ὧδέ πωσ εἶπεν· Εἂν δὲ ὑμεῖσ καὶ ἡμεῖσ, ὦ ἄνδρεσ, ὁμονοήσωμεν, νῦν ἐλπὶσ τὸ πάλαι λεγόμενον δεκατευθῆναι Θηβαίουσ. οἱ μέντοι Ἀθηναῖοι οὐ πάνυ ἐδέξαντο, ἀλλὰ θροῦσ τισ τοιοῦτοσ διῆλθεν ὡσ νῦν ταῦτα λέγοιεν, ὅτε δὲ εὖ ἔπραττον, ἐπέκειντο ἡμῖν. μέγιστον δὲ τῶν λεχθέντων παρὰ Λακεδαιμονίων ἐδόκει εἶναι ὅτι ἡνίκα κατεπολέμησαν αὐτούσ, Θηβαίων βουλομένων ἀναστάτουσ ποιῆσαι τὰσ Ἀθήνασ, σφίσιν ἐμποδὼν γένοιντο.