Xenophon, Hellenica, Ἑλληνικῶν, chapter 3 16:

ἃ δὲ βουλόμενοί τινεσ ἀποτρέπειν τὴν εἰρήνην διαβάλλουσιν, ὡσ ἡμεῖσ οὐ φιλίασ δεόμενοι, ἀλλὰ φοβούμενοι μὴ Ἀνταλκίδασ ἔλθῃ ἔχων παρὰ βασιλέωσ χρήματα, διὰ τοῦθ’ ἥκομεν, ἐνθυμήθητε ὡσ φλυαροῦσι. βασιλεὺσ μὲν γὰρ δήπου ἔγραψε πάσασ τὰσ ἐν τῇ Ἑλλάδι πόλεισ αὐτονόμουσ εἶναι· ἡμεῖσ δὲ ταὐτὰ ἐκείνῳ λέγοντέσ τε καὶ πράττοντεσ τί ἂν φοβοίμεθα βασιλέα; ἢ τοῦτο οἰέταί τισ, ὡσ ἐκεῖνοσ βούλεται χρήματα ἀναλώσασ ἄλλουσ μεγάλουσ ποιῆσαι μᾶλλον ἢ ἄνευ δαπάνησ ἃ ἔγνω ἄριστα εἶναι, ταῦτα ἑαυτῷ πεπρᾶχθαι;