헬라어 문장 검색 - ΧενοπήΗελλενί1́5́

(크세노폰, Hellenica, Ἑλληνικῶν Α, chapter 5)

οἱ δὲ Λακεδαιμόνιοι πρότερον τούτων οὐ πολλῷ χρόνῳ Κρατησιππίδᾳ τῆσ ναυαρχίασ παρεληλυθυίασ Λύσανδρον ἐξέπεμψαν ναύαρχον. ὁ δὲ ἀφικόμενοσ εἰσ Ῥόδον καὶ ναῦσ ἐκεῖθεν λαβών, εἰσ Κῶ καὶ Μίλητον ἔπλευσεν, ἐκεῖθεν δ’ εἰσ Ἔφεσον, καὶ ἐκεῖ ἔμεινε ναῦσ ἔχων ἑβδομήκοντα μέχρι οὗ Κῦροσ εἰσ Σάρδεισ ἀφίκετο. ἐπεὶ δ’ ἧκεν, ἀνέβη πρὸσ αὐτὸν σὺν τοῖσ ἐκ Λακεδαίμονοσ πρέσβεσιν.

ἐνταῦθα δὴ κατά τε τοῦ Τισσαφέρνουσ ἔλεγον ἃ πεποιηκὼσ εἰή, αὐτοῦ τε Κύρου ἐδέοντο ὡσ προθυμοτάτου πρὸσ τὸν πόλεμον γενέσθαι. Κῦροσ δὲ τόν τε πατέρα ἔφη ταῦτα ἐπεσταλκέναι καὶ αὐτὸσ οὐκ ἄλλ’ ἐγνωκέναι, ἀλλὰ πάντα ποιήσειν·

ἔχων δὲ ἥκειν τάλαντα πεντακόσια· ἐὰν δὲ ταῦτα ἐπιλίπῃ, τοῖσ ἰδίοισ χρήσεσθαι ἔφη, ἃ ὁ πατὴρ αὐτῷ ἔδωκεν· ἐὰν δὲ καὶ ταῦτα, καὶ τὸν θρόνον κατακόψειν ἐφ’ οὗ ἐκάθητο, ὄντα ἀργυροῦν καὶ χρυσοῦν. οἱ δὲ ταῦτά τε ἐπῄνουν καὶ ἐκέλευον αὐτὸν τάξαι τῷ ναύτῃ δραχμὴν Ἀττικήν, διδάσκοντεσ ὅτι, ἂν οὗτοσ ὁ μισθὸσ γένηται, οἱ τῶν Ἀθηναίων ναῦται ἀπολείψουσι τὰσ ναῦσ, καὶ μείω χρήματα ἀναλώσει.

ὁ δὲ καλῶσ μὲν ἔφη αὐτοὺσ λέγειν, οὐ δυνατὸν δ’ εἶναι παρ’ ἃ βασιλεὺσ ἐπέστειλεν αὐτῷ ἄλλα ποιεῖν.

εἶναι δὲ καὶ τὰσ συνθήκασ οὕτωσ ἐχούσασ, τριάκοντα μνᾶσ ἑκάστῃ νηὶ τοῦ μηνὸσ διδόναι, ὁπόσασ ἂν βούλωνται τρέφειν Λακεδαιμόνιοι. ὁ δὲ Λύσανδροσ τότε μὲν ἐσιώπησε·

μετὰ δὲ τὸ δεῖπνον, ἐπεὶ αὐτῷ προπιὼν ὁ Κῦροσ ἤρετο τί ἂν μάλιστα χαρίζοιτο ποιῶν, εἶπεν ὅτι Εἰ πρὸσ τὸν μισθὸν ἑκάστῳ ναύτῃ ὀβολὸν προσθείησ. ἐκ δὲ τούτου τέτταρεσ ὀβολοὶ ἦν ὁ μισθόσ, πρότερον δὲ τριώβολον.

καὶ τόν τε προοφειλόμενον ἀπέδωκε καὶ ἔτι μηνὸσ προέδωκεν, ὥστε τὸ στράτευμα πολὺ προθυμότερον εἶναι. οἱ δὲ Ἀθηναῖοι ἀκούοντεσ ταῦτα ἀθύμωσ μὲν εἶχον, ἔπεμπον δὲ πρὸσ τὸν Κῦρον πρέσβεισ διὰ Τισσαφέρνουσ.

ὁ δὲ οὐ προσεδέχετο, δεομένου Τισσαφέρνουσ καὶ λέγοντοσ, ἅπερ αὐτὸσ ἐποίει πεισθεὶσ ὑπ’ Ἀλκιβιάδου, σκοπεῖν ὅπωσ τῶν Ἑλλήνων μηδὲ οἵτινεσ ἰσχυροὶ ὦσιν, ἀλλὰ πάντεσ ἀσθενεῖσ, αὐτοὶ ἐν αὑτοῖσ στασιάζοντεσ.

καὶ ὁ μὲν Λύσανδροσ, ἐπεὶ αὐτῷ τὸ ναυτικὸν συνετέτακτο, ἀνελκύσασ τὰσ ἐν τῇ Ἐφέσῳ οὔσασ ναῦσ ἐνενήκοντα ἡσυχίαν ἦγεν, ἐπισκευάζων καὶ ἀναψύχων αὐτάσ.

Ἀλκιβιάδησ δὲ ἀκούσασ Θρασύβουλον ἔξω Ἑλλησπόντου ἥκοντα τειχίζειν Φώκαιαν διέπλευσε πρὸσ αὐτόν, καταλιπὼν ἐπὶ ταῖσ ναυσὶν Ἀντίοχον τὸν αὑτοῦ κυβερνήτην, ἐπιστείλασ μὴ ἐπιπλεῖν ἐπὶ τὰσ Λυσάνδρου ναῦσ.

ὁ δὲ Ἀντίοχοσ τῇ τε αὑτοῦ νηὶ καὶ ἄλλῃ ἐκ Νοτίου εἰσ τὸν λιμένα τῶν Ἐφεσίων εἰσπλεύσασ παρ’ αὐτὰσ τὰσ πρῴρασ τῶν Λυσάνδρου νεῶν παρέπλει.

ὁ δὲ Λύσανδροσ τὸ μὲν πρῶτον ὀλίγασ τῶν νεῶν καθελκύσασ ἐδίωκεν αὐτόν, ἐπεὶ δὲ οἱ Ἀθηναῖοι τῷ Ἀντιόχῳ ἐβοήθουν πλείοσι ναυσί, τότε δὴ καὶ πάσασ συντάξασ ἐπέπλει.

μετὰ δὲ ταῦτα καὶ οἱ Ἀθηναῖοι ἐκ τοῦ Νοτίου καθελκύσαντεσ τὰσ λοιπὰσ τριήρεισ ἀνήχθησαν, ὡσ ἕκαστοσ ἤνοιξεν. ἐκ τούτου δ’ ἐναυμάχησαν οἱ μὲν ἐν τάξει, οἱ δὲ Ἀθηναῖοι διεσπαρμέναισ ταῖσ ναυσί, μέχρι οὗ ἔφυγον ἀπολέσαντεσ πεντεκαίδεκα τριήρεισ.

τῶν δὲ ἀνδρῶν οἱ μὲν πλεῖστοι ἐξέφυγον, οἱ δ’ ἐζωγρήθησαν. Λύσανδροσ δὲ τάσ τε ναῦσ ἀναλαβὼν καὶ τροπαῖον στήσασ ἐπὶ τοῦ Νοτίου διέπλευσεν εἰσ Ἔφεσον, οἱ δ’ Ἀθηναῖοι εἰσ Σάμον. μετὰ δὲ ταῦτα Ἀλκιβιάδησ ἐλθὼν εἰσ Σάμον ἀνήχθη ταῖσ ναυσὶν ἁπάσαισ ἐπὶ τὸν λιμένα τῶν Ἐφεσίων, καὶ πρὸ τοῦ στόματοσ παρέταξεν, εἴ τισ βούλοιτο ναυμαχεῖν.

ἐπειδὴ δὲ Λύσανδροσ οὐκ ἀντανήγαγε διὰ τὸ πολλαῖσ ναυσὶν ἐλαττοῦσθαι, ἀπέπλευσεν εἰσ Σάμον. Λακεδαιμόνιοι δὲ ὀλίγῳ ὕστερον αἱροῦσι Δελφίνιον καὶ Ηιὄνα. οἱ δὲ ἐν οἴκῳ Ἀθηναῖοι, ἐπειδὴ ἠγγέλθη ἡ ναυμαχία, χαλεπῶσ εἶχον τῷ Ἀλκιβιάδῃ, οἰόμενοι δι’ ἀμέλειάν τε καὶ ἀκράτειαν ἀπολωλεκέναι τὰσ ναῦσ, καὶ στρατηγοὺσ εἵλοντο ἄλλουσ δέκα, Κόνωνα, Διομέδοντα, Λέοντα, Περικλέα, Ἐρασινίδην, Ἀριστοκράτην, Ἀρχέστρατον, Πρωτόμαχον, Θράσυλλον, Ἀριστογένην.

Ἀλκιβιάδησ μὲν οὖν πονηρῶσ καὶ ἐν τῇ στρατιᾷ φερόμενοσ, λαβὼν τριήρη μίαν ἀπέπλευσεν εἰσ Χερρόνησον εἰσ τὰ ἑαυτοῦ τείχη.

μετὰ δὲ ταῦτα Κόνων ἐκ τῆσ Ἄνδρου σὺν αἷσ εἶχε ναυσὶν εἴκοσιν ψηφισαμένων Ἀθηναίων εἰσ Σάμον ἔπλευσεν ἐπὶ τὸ ναυτικόν.

ἀντὶ δὲ Κόνωνοσ εἰσ Ἄνδρον ἔπεμψαν Φανοσθένην, τέτταρασ ναῦσ ἔχοντα. οὗτοσ περιτυχὼν δυοῖν τριήροιν Θουρίαιν ἔλαβεν αὐτοῖσ ἀνδράσι·

καὶ τοὺσ μὲν αἰχμαλώτουσ ἅπαντασ ἔδησαν Ἀθηναῖοι, τὸν δὲ ἄρχοντα αὐτῶν Δωριέα, ὄντα μὲν Ῥόδιον, πάλαι δὲ φυγάδα ἐξ Ἀθηνῶν καὶ Ῥόδου ὑπὸ Ἀθηναίων κατεψηφισμένων αὐτοῦ θάνατον καὶ τῶν ἐκείνου συγγενῶν, πολιτεύοντα παρ’ αὐτοῖσ, ἐλεήσαντεσ ἀφεῖσαν οὐδὲ χρήματα πραξάμενοι. Κόνων δ’ ἐπεὶ εἰσ τὴν Σάμον ἀφίκετο καὶ τὸ ναυτικὸν κατέλαβεν ἀθύμωσ ἔχον, συμπληρώσασ τριήρεισ ἑβδομήκοντα ἀντὶ τῶν προτέρων, οὐσῶν πλέον ἢ ἑκατόν, καὶ ταύταισ ἀναγαγόμενοσ μετὰ τῶν ἄλλων στρατηγῶν, ἄλλοτε ἄλλῃ ἀποβαίνων τῆσ τῶν πολεμίων χώρασ ἐλῄζετο.

καὶ ὁ ἐνιαυτὸσ ἔληγεν, ἐν ᾧ Καρχηδόνιοι εἰσ Σικελίαν στρατεύσαντεσ εἴκοσι καὶ ἑκατὸν τριήρεσι καὶ πεζῆσ στρατιᾶσ δώδεκα μυριάσιν εἷλον Ἀκράγαντα λιμῷ, μάχῃ μὲν ἡττηθέντεσ, προσκαθεζόμενοι δὲ ἑπτὰ μῆνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν Α, chapter 5

(크세노폰, Hellenica, Ἑλληνικῶν Α, chapter 5)

상위

목록

SEARCH

MENU NAVIGATION