Xenophon, Cyropaedia, Κύρου Παιδείασ Ζ, chapter 5 62:

καὶ νῦν δὴ νενικήκαμέν τε τὴν μεγάλην μάχην καὶ Σάρδεισ καὶ Κροῖσον ὑποχείριον ἔχομεν καὶ Βαβυλῶνα ᾑρήκαμεν καὶ πάντασ κατεστράμμεθα, καὶ μὰ τὸν Μίθρην ἐγώ τοι ἐχθέσ, εἰ μὴ πολλοῖσ διεπύκτευσα, οὐκ ἂν ἐδυνάμην σοι προσελθεῖν. ἐπεί γε μέντοι ἐδεξιώσω με καὶ παρὰ σοὶ ἐκέλευσασ μένειν, ἤδη περίβλεπτοσ ἦν, ὅτι μετὰ σοῦ ἄσιτοσ καὶ ἄποτοσ διημέρευον.