헬라어 문장 검색 - ΧενοπήΞψροπαέ7́4́

(크세노폰, Cyropaedia, Κύρου Παιδείασ Ζ, chapter 4)

ἐκ δὲ τούτου στασιάζοντεσ οἱ Κᾶρεσ καὶ πολεμοῦντεσ πρὸσ ἀλλήλουσ, ἅτε τὰσ οἰκήσεισ ἔχοντεσ ἐν ἐχυροῖσ χωρίοισ, ἑκάτεροι ἐπεκαλοῦντο τὸν Κῦρον. ὁ δὲ Κῦροσ αὐτὸσ μὲν μένων ἐν Σάρδεσι μηχανὰσ ἐποιεῖτο καὶ κριούσ, ὡσ τῶν μὴ πειθομένων ἐρείψων τὰ τείχη, Ἀδούσιον δὲ ἄνδρα Πέρσην καὶ τἆλλα οὐκ ἄφρονα οὐδ’ ἀπόλεμον, καὶ πάνυ δὴ εὔχαριν, πέμπει ἐπὶ τὴν Καρίαν, στράτευμα δούσ· καὶ Κίλικεσ δὲ καὶ Κύπριοι πάνυ προθύμωσ αὐτῷ συνεστράτευσαν. ὧν ἕνεκα οὐδ’ ἔπεμψε πώποτε Πέρσην σατράπην οὔτε Κιλίκων οὔτε Κυπρίων, ἀλλ’ ἤρκουν αὐτῷ αἰεὶ οἱ ἐπιχώριοι βασιλεύοντεσ·

δασμὸν μέντοι ἐλάμβανε καὶ στρατιᾶσ ὁπότε δέοιτο ἐπήγγελλεν αὐτοῖσ. ὁ δὲ Ἀδούσιοσ ἄγων τὸ στράτευμα ἐπὶ τὴν Καρίαν ἦλθε, καὶ ἀπ’ ἀμφοτέρων τῶν Καρῶν παρῆσαν πρὸσ αὐτὸν ἕτοιμοι ὄντεσ δέχεσθαι εἰσ τὰ τείχη ἐπὶ κακῷ τῶν ἀντιστασιαζόντων·

ὁ δὲ Ἀδούσιοσ πρὸσ ἀμφοτέρουσ ταὐτὰ ἐποίει· δικαιότερά τε ἔφη λέγειν τούτουσ ὁποτέροισ διαλέγοιτο, λαθεῖν τε ἔφη δεῖν τοὺσ ἐναντίουσ φίλουσ σφᾶσ γενομένουσ, ὡσ δὴ οὕτωσ ἂν μᾶλλον ἐπιπεσὼν ἀπαρασκεύοισ τοῖσ ἐναντίοισ. πιστὰ δ’ ἠξίου γενέσθαι, καὶ τοὺσ μὲν Κᾶρασ ὀμόσαι ἀδόλωσ τε δέξεσθαι εἰσ τὰ τείχη σφᾶσ καὶ ἐπ’ ἀγαθῷ τῷ Κύρου καὶ Περσῶν· αὐτὸσ δὲ ὀμόσαι θέλειν ἀδόλωσ εἰσιέναι εἰσ τὰ τείχη καὶ ἐπ’ ἀγαθῷ τῶν δεχομένων. ταῦτα δὲ ποιήσασ ἀμφοτέροισ λάθρᾳ ἑκατέρων νύκτα συνέθετο τὴν αὐτήν, καὶ ἐν ταύτῃ εἰσήλασέ τε εἰσ τὰ τείχη καὶ παρέλαβε τὰ ἐρύματα ἀμφοτέρων.

ἅμα δὲ τῇ ἡμέρᾳ καθεζόμενοσ εἰσ τὸ μέσον σὺν τῇ στρατιᾷ ἐκάλεσεν ἑκατέρων τοὺσ ἐπικαιρίουσ. οἱ δὲ ἰδόντεσ ἀλλήλουσ ἠχθέσθησαν, νομίζοντεσ ἐξηπατῆσθαι ἀμφότεροι. ὁ μέντοι Ἀδούσιοσ ἔλεξε τοιάδε·

ἐγὼ ὑμῖν, ὦ ἄνδρεσ, ὤμοσα ἀδόλωσ εἰσιέναι εἰσ τὰ τείχη καὶ ἐπ’ ἀγαθῷ τῶν δεχομένων. εἰ μὲν οὖν ἀπολῶ ὁποτέρουσ ὑμῶν, νομίζω ἐπὶ κακῷ εἰσεληλυθέναι Καρῶν· ἢν δὲ εἰρήνην ὑμῖν ποιήσω καὶ ἀσφάλειαν ἐργάζεσθαι ἀμφοτέροισ τὴν γῆν, νομίζω ὑμῖν ἐπ’ ἀγαθῷ παρεῖναι. νῦν οὖν χρὴ ἀπὸ τῆσδε τῆσ ἡμέρασ ἐπιμίγνυσθαί τε ἀλλήλοισ φιλικῶσ, ἐργάζεσθαί τε τὴν γῆν ἀδεῶσ, διδόναι τε τέκνα καὶ λαμβάνειν παρ’ ἀλλήλων. ἢν δὲ παρὰ ταῦτα ἀδικεῖν τισ ἐπιχειρῇ, τούτοισ Κῦρόσ τε καὶ ἡμεῖσ πολέμιοι ἐσόμεθα. ἐκ τούτου πύλαι μὲν ἀνεῳγμέναι ἦσαν τῶν τειχῶν, μεσταὶ δὲ αἱ ὁδοὶ πορευομένων παρ’ ἀλλήλουσ, μεστοὶ δὲ οἱ χῶροι ἐργαζομένων·

ἑορτὰσ δὲ κοινῇ ἦγον, εἰρήνησ δὲ καὶ εὐφροσύνησ πάντα πλέα ἦν. ἐν δὲ τούτῳ ἧκον παρὰ Κύρου ἐρωτῶντεσ εἴ τι στρατιᾶσ προσδέοιτο ἢ μηχανημάτων·

ὁ δὲ Ἀδούσιοσ ἀπεκρίνατο ὅτι καὶ τῇ παρούσῃ ἐξείη ἄλλοσε χρῆσθαι στρατιᾷ· καὶ ἅμα ταῦτα λέγων ἀπῆγε τὸ στράτευμα, φρουροὺσ ἐν ταῖσ ἄκραισ καταλιπών. οἱ δὲ Κᾶρεσ ἱκέτευον μένειν αὐτόν· ἐπεὶ δὲ οὐκ ἤθελε, προσέπεμψαν πρὸσ Κῦρον δεόμενοι πέμψαι Ἀδούσιον σφίσι σατράπην. ὁ δὲ Κῦροσ ἐν τούτῳ ἀπεστάλκει Ὑστάσπαν στράτευμα ἄγοντα ἐπὶ Φρυγίαν τὴν περὶ Ἑλλήσποντον.

ἐπεὶ δ’ ἧκεν ὁ Ἀδούσιοσ, μετάγειν αὐτὸν ἐκέλευσεν ᾗπερ ὁ Ὑστάσπασ προῴχετο, ὅπωσ μᾶλλον πείθοιντο τῷ Ὑστάσπᾳ, ἀκούσαντεσ ἄλλο στράτευμα προσιόν. οἱ μὲν οὖν Ἕλληνεσ οἱ ἐπὶ θαλάττῃ οἰκοῦντεσ πολλὰ δῶρα δόντεσ διεπράξαντο ὥστε εἰσ μὲν τὰ τείχη βαρβάρουσ μὴ δέχεσθαι, δασμὸν δὲ ἀποφέρειν καὶ στρατεύειν ὅποι Κῦροσ ἐπαγγέλλοι.

ὁ δὲ τῶν Φρυγῶν βασιλεὺσ παρεσκευάζετο μὲν ὡσ καθέξων τὰ ἐρυμνὰ καὶ οὐ πεισόμενοσ καὶ παρήγγελλεν οὕτωσ·

ἐπεὶ δὲ ἀφίσταντο αὐτοῦ οἱ ὕπαρχοι καὶ ἔρημοσ ἐγίγνετο, τελευτῶν εἰσ χεῖρασ ἦλθεν Ὑστάσπᾳ ἐπὶ τῇ Κύρου δίκῃ. καὶ ὁ Ὑστάσπασ καταλιπὼν ἐν ταῖσ ἄκραισ ἰσχυρὰσ Περσῶν φρουρὰσ ἀπῄει ἄγων σὺν τοῖσ ἑαυτοῦ καὶ Φρυγῶν πολλοὺσ ἱππέασ καὶ πελταστάσ. ὁ δὲ Κῦροσ ἐπέστελλεν Ἀδουσίῳ συμμείξαντα πρὸσ Ὑστάσπαν τοὺσ μὲν ἑλομένουσ Φρυγῶν τὰ σφέτερα σὺν τοῖσ ὅπλοισ ἄγειν, τοὺσ δὲ ἐπιθυμήσαντασ πολεμεῖν τούτων ἀφελομένουσ τοὺσ ἵππουσ καὶ τὰ ὅπλα σφενδόνασ ἔχοντασ πάντασ κελεύειν ἕπεσθαι.

οὗτοι μὲν δὴ ταῦτ’ ἐποίουν.

Κῦροσ δὲ ὡρμᾶτο ἐκ Σάρδεων, φρουρὰν μὲν πεζὴν καταλιπὼν πολλὴν ἐν Σάρδεσι, Κροῖσον δὲ ἔχων, ἄγων δὲ πολλὰσ ἁμάξασ πολλῶν καὶ παντοδαπῶν χρημάτων. ἧκε δὲ καὶ ὁ Κροῖσοσ γεγραμμένα ἔχων ἀκριβῶσ ὅσα ἐν ἑκάστῃ ἦν τῇ ἁμάξῃ· καὶ διδοὺσ τῷ Κύρῳ τὰ γράμματα εἶπε· ταῦτ’, ἔφη, ἔχων, ὦ Κῦρε, εἴσῃ τόν τέ σοι ὀρθῶσ ἀποδιδόντα ἃ ἄγει καὶ τὸν μή. καὶ ὁ Κῦροσ ἔλεξεν·

ἀλλὰ σὺ μὲν καλῶσ ποιεῖσ, ὦ Κροῖσε, προνοῶν· ἔμοιγε μέντοι ἄξουσι τὰ χρήματα οἵπερ καὶ ἔχειν αὐτὰ ἄξιοί εἰσιν· ὥστε ἤν τι καὶ κλέψωσι, τῶν ἑαυτῶν κλέψονται. καὶ ἅμα ταῦτα λέγων ἔδωκε τὰ γράμματα τοῖσ φίλοισ καὶ τοῖσ ἄρχουσιν, ὅπωσ εἰδεῖεν τῶν ἐπιτρόπων οἵ τε σῶα αὐτοῖσ ἀποδιδοῖεν οἵ τε μή. ἦγε δὲ καὶ Λυδῶν οὓσ μὲν ἑώρα καλλωπιζομένουσ καὶ ὅπλοισ καὶ ἵπποισ καὶ ἁρ́μασι καὶ πάντα πειρωμένουσ ποιεῖν ὅ τι ᾤοντο αὐτῷ χαριεῖσθαι, τούτουσ μὲν σὺν τοῖσ ὅπλοισ·

οὓσ δὲ ἑώρα ἀχαρίτωσ ἑπομένουσ, τοὺσ μὲν ἵππουσ αὐτῶν παρέδωκε Πέρσαισ τοῖσ πρώτοισ συστρατευομένοισ, τὰ δὲ ὅπλα κατέκαυσε· σφενδόνασ δὲ καὶ τούτουσ ἠνάγκασεν ἔχοντασ ἕπεσθαι. καὶ πάντασ δὲ τοὺσ ἀόπλουσ τῶν ὑποχειρίων γενομένων σφενδονᾶν ἠνάγκαζε μελετᾶν, νομίζων τοῦτο τὸ ὅπλον δουλικώτατον εἶναι·

σὺν μὲν γὰρ ἄλλῃ δυνάμει μάλα ἔστιν ἔνθα ἰσχυρῶσ ὠφελοῦσι σφενδονῆται παρόντεσ, αὐτοὶ δὲ καθ’ αὑτοὺσ οὐδ’ ἂν οἱ πάντεσ σφενδονῆται μείνειαν πάνυ ὀλίγουσ ὁμόσε ἰόντασ σὺν ὅπλοισ ἀγχεμάχοισ. προϊὼν δὲ τὴν ἐπὶ Βαβυλῶνοσ κατεστρέψατο μὲν Φρύγασ τοὺσ ἐν τῇ μεγάλῃ Φρυγίᾳ, κατεστρέψατο δὲ Καππαδόκασ, ὑποχειρίουσ δ’ ἐποιήσατο Ἀραβίουσ.

ἐξώπλισε δὲ ἀπὸ πάντων τούτων Περσῶν μὲν ἱππέασ οὐ μεῖον τετρακισμυρίουσ, πολλοὺσ δὲ ἵππουσ τῶν αἰχμαλώτων καὶ πᾶσι τοῖσ συμμάχοισ διέδωκε· καὶ πρὸσ Βαβυλῶνα ἀφίκετο παμπόλλουσ μὲν ἱππέασ ἔχων, παμπόλλουσ δὲ τοξότασ καὶ ἀκοντιστάσ, σφενδονήτασ δὲ ἀναριθμήτουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Cyropaedia, Κύρου Παιδείασ Ζ, chapter 4

(크세노폰, Cyropaedia, Κύρου Παιδείασ Ζ, chapter 4)

상위

목록

SEARCH

MENU NAVIGATION