Xenophon, Cyropaedia, Κύρου Παιδείασ Ζ, chapter 1 40:

ἐν δὲ τῷ ἀδιηγήτῳ τούτῳ ταράχῳ ὑπὸ τῶν παντοδαπῶν σωρευμάτων ἐξαλλομένων τῶν τροχῶν ἐκπίπτει ὁ Ἀβραδάτασ καὶ ἄλλοι δὲ τῶν συνεισβαλόντων, καὶ οὗτοι μὲν ἐνταῦθα ἄνδρεσ ἀγαθοὶ γενόμενοι κατεκόπησαν καὶ ἀπέθανον· οἱ δὲ Πέρσαι συνεπισπόμενοι, ᾗ μὲν ὁ Ἀβραδάτασ ἐνέβαλε καὶ οἱ σὺν αὐτῷ, ταύτῃ ἐπεισπεσόντεσ τεταραγμένουσ ἐφόνευον, ᾗ δὲ ἀπαθεῖσ ἐγένοντο οἱ Αἰγύπτιοι πολλοὶ δ’ οὗτοι ἦσαν, ἐχώρουν ἐναντίοι τοῖσ Πέρσαισ.