Xenophon, Cyropaedia, Κύρου Παιδείασ Β, chapter 2 12:

ὁ μὲν δὴ Κῦροσ ἅμα γελῶν οὕτωσ ἐπῄνεσε τοὺσ στρατιώτασ. ἐν δὲ τῇ σκηνῇ ἐτύγχανέ τισ ὢν τῶν ταξιάρχων Ἀγλαϊτάδασ ὄνομα, ἀνὴρ τὸν τρόπον τῶν στρυφνοτέρων ἀνθρώπων, ὃσ οὑτωσί πωσ εἶπεν· ἦ γὰρ οἰεί, ἔφη, ὦ Κῦρε, τούτουσ ἀληθῆ λέγειν ταῦτα; ἀλλὰ τί μὴν βουλόμενοι, ἔφη ὁ Κῦροσ, ψεύδονται; τί δ’ ἄλλο γ’, ἔφη, εἰ μὴ γέλωτα ποιεῖν ἐθέλοντεσ ὑπὲρ οὗ λέγουσι ταῦτα καὶ ἀλαζονεύονται;