Xenophon, Anabasis, Κύρου Ἀναβάσεωσ Β, chapter 1 12:

ἔνθα δὴ ἀπεκρίνατο Κλεάνωρ ὁ Ἀρκάσ, πρεσβύτατοσ ὤν, ὅτι πρόσθεν ἂν ἀποθάνοιεν ἢ τὰ ὅπλα παραδοίησαν· Πρόξενοσ δὲ ὁ Θηβαῖοσ, ἀλλ’ ἐγώ, ἔφη, ὦ Φαλῖνε, θαυμάζω πότερα ὡσ κρατῶν βασιλεὺσ αἰτεῖ τὰ ὅπλα ἢ ὡσ διὰ φιλίαν δῶρα. εἰ μὲν γὰρ ὡσ κρατῶν, τί δεῖ αὐτὸν αἰτεῖν καὶ οὐ λαβεῖν ἐλθόντα; εἰ δὲ πείσασ βούλεται λαβεῖν, λεγέτω τί ἔσται τοῖσ στρατιώταισ, ἐὰν αὐτῷ ταῦτα χαρίσωνται.