헬라어 문장 검색 - ΧενοπήΑναβασί1́6́

(크세노폰, Anabasis, Κύρου Ἀναβάσεωσ Α, chapter 6)

ἐντεῦθεν προϊόντων ἐφαίνετο ἴχνια ἵππων καὶ κόπροσ· εἰκάζετο δ’ εἶναι ὁ στίβοσ ὡσ δισχιλίων ἵππων. οὗτοι προϊόντεσ ἔκαιον καὶ χιλὸν καὶ εἴ τι ἄλλο χρήσιμον ἦν. Ὀρόντασ δέ, Πέρσησ ἀνήρ, γένει τε προσήκων βασιλεῖ καὶ τὰ πολέμια λεγόμενοσ ἐν τοῖσ ἀρίστοισ Περσῶν ἐπιβουλεύει Κύρῳ καὶ πρόσθεν πολεμήσασ, καταλλαγεὶσ δέ. οὗτοσ Κύρῳ εἶπεν, εἰ αὐτῷ δοίη ἱππέασ χιλίουσ, ὅτι τοὺσ προκατακαίοντασ ἱππέασ ἢ κατακαίνοι ἂν ἐνεδρεύσασ ἢ ζῶντασ πολλοὺσ αὐτῶν ἂν ἕλοι καὶ κωλύσειε τοῦ καίειν ἐπιόντασ, καὶ ποιήσειεν ὥστε μήποτε δύνασθαι αὐτοὺσ ἰδόντασ τὸ Κύρου στράτευμα βασιλεῖ διαγγεῖλαι.

τῷ δὲ Κύρῳ ἀκούσαντι ταῦτα ἐδόκει ὠφέλιμα εἶναι, καὶ ἐκέλευεν αὐτὸν λαμβάνειν μέροσ παρ’ ἑκάστου τῶν ἡγεμόνων. ὁ δ’ Ὀρόντασ νομίσασ ἑτοίμουσ εἶναι αὑτῷ τοὺσ ἱππέασ γράφει ἐπιστολὴν παρὰ βασιλέα ὅτι ἥξοι ἔχων ἱππέασ ὡσ ἂν δύνηται πλείστουσ·

ἀλλὰ φράσαι τοῖσ αὑτοῦ ἱππεῦσιν ἐκέλευεν ὡσ φίλιον αὐτὸν ὑποδέχεσθαι. ἐνῆν δὲ ἐν τῇ ἐπιστολῇ καὶ τῆσ πρόσθεν φιλίασ ὑπομνήματα καὶ πίστεωσ. ταύτην τὴν ἐπιστολὴν δίδωσι πιστῷ ἀνδρί, ὡσ ᾤετο· ὁ δὲ λαβὼν Κύρῳ δίδωσιν. ἀναγνοὺσ δὲ αὐτὴν ὁ Κῦροσ συλλαμβάνει Ὀρόνταν, καὶ συγκαλεῖ εἰσ τὴν ἑαυτοῦ σκηνὴν Πέρσασ τοὺσ ἀρίστουσ τῶν περὶ αὐτὸν ἑπτά, καὶ τοὺσ τῶν Ἑλλήνων στρατηγοὺσ ἐκέλευσεν ὁπλίτασ ἀγαγεῖν, τούτουσ δὲ θέσθαι τὰ ὅπλα περὶ τὴν αὑτοῦ σκηνήν.

οἱ δὲ ταῦτα ἐποίησαν, ἀγαγόντεσ ὡσ τρισχιλίουσ ὁπλίτασ. Κλέαρχον δὲ καὶ εἴσω παρεκάλεσε σύμβουλον, ὅσ γε καὶ αὐτῷ καὶ τοῖσ ἄλλοισ ἐδόκει προτιμηθῆναι μάλιστα τῶν Ἑλλήνων.

ἐπεὶ δ’ ἐξῆλθεν, ἀπήγγειλε τοῖσ φίλοισ τὴν κρίσιν τοῦ Ὀρόντα ὡσ ἐγένετο· οὐ γὰρ ἀπόρρητον ἦν. ἔφη δὲ Κῦρον ἄρχειν τοῦ λόγου ὧδε.

παρεκάλεσα ὑμᾶσ, ἄνδρεσ φίλοι, ὅπωσ σὺν ὑμῖν βουλευόμενοσ ὅ τι δίκαιόν ἐστι καὶ πρὸσ θεῶν καὶ πρὸσ ἀνθρώπων, τοῦτο πράξω περὶ Ὀρόντα τουτουί. τοῦτον γὰρ πρῶτον μὲν ὁ ἐμὸσ πατὴρ ἔδωκεν ὑπήκοον εἶναι ἐμοί· ἐπεὶ δὲ ταχθείσ, ὡσ ἔφη αὐτόσ, ὑπὸ τοῦ ἐμοῦ ἀδελφοῦ οὗτοσ ἐπολέμησεν ἐμοὶ ἔχων τὴν ἐν Σάρδεσιν ἀκρόπολιν, καὶ ἐγὼ αὐτὸν προσπολεμῶν ἐποίησα ὥστε δόξαι τούτῳ τοῦ πρὸσ ἐμὲ πολέμου παύσασθαι, καὶ δεξιὰν ἔλαβον καὶ ἔδωκα, μετὰ ταῦτα, ἔφη, Ὀρόντα, ἔστιν ὅ τι σε ἠδίκησα; ἀπεκρίνατο ὅτι οὔ.

πάλιν δὲ ὁ Κῦροσ ἠρώτα· οὐκοῦν ὕστερον, ὡσ αὐτὸσ σὺ ὁμολογεῖσ, οὐδὲν ὑπ’ ἐμοῦ ἀδικούμενοσ ἀποστὰσ εἰσ Μυσοὺσ κακῶσ ἐποίεισ τὴν ἐμὴν χώραν ὅ τι ἐδύνω; ἔφη Ὀρόντασ. οὐκοῦν, ἔφη ὁ Κῦροσ, ὁπότ’ αὖ ἔγνωσ τὴν σαυτοῦ δύναμιν, ἐλθὼν ἐπὶ τὸν τῆσ Ἀρτέμιδοσ βωμὸν μεταμέλειν τέ σοι ἔφησθα καὶ πείσασ ἐμὲ πιστὰ πάλιν ἔδωκάσ μοι καὶ ἔλαβεσ παρ’ ἐμοῦ; καὶ ταῦθ’ ὡμολόγει Ὀρόντασ. τί οὖν, ἔφη ὁ Κῦροσ, ἀδικηθεὶσ ὑπ’ ἐμοῦ νῦν τὸ τρίτον ἐπιβουλεύων μοι φανερὸσ γέγονασ;

εἰπόντοσ δὲ τοῦ Ὀρόντα ὅτι οὐδὲν ἀδικηθείσ, ἠρώτησεν ὁ Κῦροσ αὐτόν· ὁμολογεῖσ οὖν περὶ ἐμὲ ἄδικοσ γεγενῆσθαι; ἦ γὰρ ἀνάγκη, ἔφη Ὀρόντασ. ἐκ τούτου πάλιν ἠρώτησεν ὁ Κῦροσ· ἔτι οὖν ἂν γένοιο τῷ ἐμῷ ἀδελφῷ πολέμιοσ, ἐμοὶ δὲ φίλοσ καὶ πιστόσ; ὁ δὲ ἀπεκρίνατο ὅτι οὐδ’ εἰ γενοίμην, ὦ Κῦρε, σοί γ’ ἄν ποτε ἔτι δόξαιμι. πρὸσ ταῦτα Κῦροσ εἶπε τοῖσ παροῦσιν·

ὁ μὲν ἀνὴρ τοιαῦτα μὲν πεποίηκε, τοιαῦτα δὲ λέγει· ὑμῶν δὲ σὺ πρῶτοσ, ὦ Κλέαρχε, ἀπόφηναι γνώμην ὅ τι σοι δοκεῖ. Κλέαρχοσ δὲ εἶπε τάδε. συμβουλεύω ἐγὼ τὸν ἄνδρα τοῦτον ἐκποδὼν ποιεῖσθαι ὡσ τάχιστα, ὡσ μηκέτι δέῃ τοῦτον φυλάττεσθαι, ἀλλὰ σχολὴ ᾖ ἡμῖν, τὸ κατὰ τοῦτον εἶναι, τοὺσ ἐθελοντὰσ τούτουσ εὖ ποιεῖν. ταύτῃ δὲ τῇ γνώμῃ ἔφη καὶ τοὺσ ἄλλουσ προσθέσθαι.

μετὰ ταῦτα, ἔφη, κελεύοντοσ Κύρου ἔλαβον τῆσ ζώνησ τὸν Ὀρόνταν ἐπὶ θανάτῳ ἅπαντεσ ἀναστάντεσ καὶ οἱ συγγενεῖσ· εἶτα δ’ ἐξῆγον αὐτὸν οἷσ προσετάχθη. ἐπεὶ δὲ εἶδον αὐτὸν οἵπερ πρόσθεν προσεκύνουν, καὶ τότε προσεκύνησαν, καίπερ εἰδότεσ ὅτι ἐπὶ θάνατον ἄγοιτο. ἐπεὶ δὲ εἰσ τὴν Ἀρταπάτου σκηνὴν εἰσήχθη, τοῦ πιστοτάτου τῶν Κύρου σκηπτούχων, μετὰ ταῦτα οὔτε ζῶντα Ὀρόνταν οὔτε τεθνηκότα οὐδεὶσ εἶδε πώποτε, οὐδὲ ὅπωσ ἀπέθανεν οὐδεὶσ εἰδὼσ ἔλεγεν·

εἴκαζον δὲ ἄλλοι ἄλλωσ· τάφοσ δὲ οὐδεὶσ πώποτε αὐτοῦ ἐφάνη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Α, chapter 6

(크세노폰, Anabasis, Κύρου Ἀναβάσεωσ Α, chapter 6)

상위

목록

SEARCH

MENU NAVIGATION