Sophocles, Trachiniae, episode 4:

(소포클레스, 트라키니아이, episode 4:)

σὺ δ’ οὖν ἄκουε τοὔργον· ἐξήκεισ δ’ ἵνα φανεῖσ ὁποῖοσ ὢν ἀνὴρ ἐμὸσ καλεῖ. ἐμοὶ γὰρ ἦν πρόφαντον ἐκ πατρὸσ πάλαι, τῶν ἐμπνεόντων μηδενὸσ θανεῖν ὕπο, ἀλλ’ ὅστισ Αἵδου φθίμενοσ οἰκήτωρ πέλοι. ὅδ’ οὖν ὁ θὴρ Κένταυροσ, ὡσ τὸ θεῖον ἦν πρόφαντον, οὕτω ζῶντά μ’ ἔκτεινεν θανών. φανῶ δ’ ἐγὼ τούτοισι συμβαίνοντ’ ἴσα μαντεῖα καινά, τοῖσ πάλαι ξυνήγορα, ἃ τῶν ὀρείων καὶ χαμαικοιτῶν ἐγὼ Σελλῶν ἐσελθὼν ἄλσοσ εἰσεγραψάμην πρὸσ τῆσ πατρῴασ καὶ πολυγλώσσου δρυόσ, ἥ μοι χρόνῳ τῷ ζῶντι καὶ παρόντι νῦν ἔφασκε μόχθων τῶν ἐφεστώτων ἐμοὶ λύσιν τελεῖσθαι· κἀδόκουν πράξειν καλῶσ. τὸ δ’ ἦν ἄρ’ οὐδὲν ἄλλο πλὴν θανεῖν ἐμέ. τοῖσ γὰρ θανοῦσι μόχθοσ οὐ προσγίγνεται. ταῦτ’ οὖν ἐπειδὴ λαμπρὰ συμβαίνει, τέκνον, δεῖ σ’ αὖ γενέσθαι τῷδε τἀνδρὶ σύμμαχον καὶ μὴ ’πιμεῖναι τοὐμὸν ὀξῦναι στόμα, ἀλλ’ αὐτὸν εἰκαθόντα συμπράσσειν, νόμον κάλλιστον ἐξευρόντα, πειθαρχεῖν πατρί.

일치하는 문장이 없습니다.

SEARCH

MENU NAVIGATION