헬라어 문장 검색 - Σοπηοξ́Τραξηιν́14́0́01́

(소포클레스, 트라키니아이, episode 1:)

καὶ νῦν προσελθὼν στῆθι πλησίον πατρόσ, σκέψαι θ’ ὁποίασ ταῦτα συμφορᾶσ ὕπο πέπονθα· δείξω γὰρ τάδ’ ἐκ καλυμμάτων. ἰδού, θεᾶσθε πάντεσ ἄθλιον δέμασ, ὁρᾶτε τὸν δύστηνον, ὡσ οἰκτρῶσ ἔχω. αἰαῖ, ἆ τάλασ, ἔθαλψεν ἄτησ σπασμὸσ ἀρτίωσ ὅδ’ αὖ, διῇξε πλευρῶν, οὐδ’ ἀγύμναστόν μ’ ἐᾶν ἐοίκεν ἡ τάλαινα διάβοροσ νόσοσ. ὦναξ Αἴδη, δέξαι μ’, ὦ Διὸσ ἀκτίσ, παῖσον, ἔνσεισον, ὦναξ, ἐγκατάσκηψον βέλοσ, πάτερ, κεραυνοῦ· δαίνυται γὰρ αὖ πάλιν, ἤνθηκεν, ἐξωρμήκεν. ὦ χέρεσ χέρεσ, ὦ νῶτα καὶ στέρν’, ὦ φίλοι βραχίονεσ, ὑμεῖσ δὲ κεῖνοι δὴ καθέσταθ’, οἵ ποτε Νεμέασ ἔνοικον, βουκόλων ἀλάστορα λέοντ’, ἄπλατον θρέμμα κἀπροσήγορον, βίᾳ κατειργάσασθε, Λερναίαν θ’ ὕδραν, διφυῆ τ’ ἄμικτον ἱπποβάμονα στρατὸν θηρῶν, ὑβριστὴν ἄνομον, ὑπέροχον βίαν, Ἐρυμάνθιόν τε θῆρα, τόν θ’ ὑπὸ χθονὸσ Αἵδου τρίκρανον σκύλακ’, ἀπρόσμαχον τέρασ, δεινῆσ Ἐχίδνησ θρέμμα, τόν τε χρυσέων δράκοντα μήλων φύλακ’ ἐπ’ ἐσχάτοισ τόποισ. ἄλλων τε μόχθων μυρίων ἐγευσάμην, κοὐδεὶσ τροπαῖ’ ἔστησε τῶν ἐμῶν χερῶν. νῦν δ’ ὧδ’ ἄναρθροσ καὶ κατερρακωμένοσ τυφλῆσ ὑπ’ ἄτησ ἐκπεπόρθημαι τάλασ, ὁ τῆσ ἀρίστησ μητρὸσ ὠνομασμένοσ, ὁ τοῦ κατ’ ἄστρα Ζηνὸσ αὐδηθεὶσ γόνοσ. ἀλλ’ εὖ γέ τοι τόδ’ ἴστε, κἂν τὸ μηδὲν ὦ κἂν μηδὲν ἑρ́πω, τήν γε δράσασαν τάδε χειρώσομαι κἀκ τῶνδε· προσμόλοι μόνον, ἵν’ ἐκδιδαχθῇ πᾶσιν ἀγγέλλειν ὅτι καὶ ζῶν κακούσ γε καὶ θανὼν ἐτισάμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Trachiniae, episode 1:

(소포클레스, 트라키니아이, episode 1:)

상위

목록

SEARCH

MENU NAVIGATION