헬라어 문장 검색 - Σοπηοξ́Τραξηιν́14́0́00́

(소포클레스, 트라키니아이, episode)

κλύουσ’ ἔφριξα τάσδε συμφοράσ, φίλαι, ἄνακτοσ, οἱαίσ οἱο͂σ ὢν ἐλαύνεται. ὦ πολλὰ δὴ καὶ θερμὰ κοὐ λόγῳ κακὰ καὶ χερσὶ καὶ νώτοισι μοχθήσασ ἐγώ· κοὔπω τοιοῦτον οὔτ’ ἄκοιτισ ἡ Διὸσ προύθηκεν οὔθ’ ὁ στυγνὸσ Εὐρυσθεὺσ ἐμοί, οἱο͂ν τόδ’ ἡ δολῶπισ Οἰνέωσ κόρη καθῆψεν ὤμοισ τοῖσ ἐμοῖσ Ἐρινύων ὑφαντὸν ἀμφίβληστρον, ᾧ διόλλυμαι. πλευραῖσι γὰρ προσμαχθὲν ἐκ μὲν ἐσχάτασ βέβρωκε σάρκασ, πλεύμονόσ τ’ ἀρτηρίασ ῥοφεῖ ξυνοικοῦν, ἐκ δὲ χλωρὸν αἷμά μου πέπωκεν ἤδη, καὶ διέφθαρμαι δέμασ τὸ πᾶν, ἀφράστῳ τῇδε χειρωθεὶσ πέδῃ. κοὐ ταῦτα λόγχη πεδιάσ, οὔθ’ ὁ γηγενὴσ στρατὸσ Γιγάντων οὔτε θήρειοσ βία, οὔθ’ Ἑλλὰσ οὔτ’ ἄγλωσσοσ οὔθ’ ὅσην ἐγὼ γαῖαν καθαίρων ἱκόμην, ἔδρασέ πω· γυνὴ δέ, θῆλυσ φῦσα κοὐκ ἀνδρὸσ φύσιν, μόνη με δὴ καθεῖλε φασγάνου δίχα. ὦ παῖ, γενοῦ μοι παῖσ ἐτήτυμοσ γεγώσ, καὶ μὴ τὸ μητρὸσ ὄνομα πρεσβεύσῃσ πλέον. δόσ μοι χεροῖν σαῖν αὐτὸσ ἐξ οἴκου λαβὼν ἐσ χεῖρα τὴν τεκοῦσαν, ὡσ εἰδῶ σάφα εἰ τοὐμὸν ἀλγεῖσ μᾶλλον ἢ κείνησ ὁρῶν λωβητὸν εἶδοσ ἐν δίκῃ κακούμενον. ἴθ’, ὦ τέκνον, τόλμησον· οἴκτιρόν τέ με πολλοῖσιν οἰκτρόν, ὅστισ ὥστε παρθένοσ βέβρυχα κλαίων, καὶ τόδ’ οὐδ’ ἂν εἷσ ποτε τόνδ’ ἄνδρα φαίη πρόσθ’ ἰδεῖν δεδρακότα, ἀλλ’ ἀστένακτοσ αἰὲν εἱπόμην κακοῖσ. νῦν δ’ ἐκ τοιούτου θῆλυσ ηὑρ́ημαι τάλασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Trachiniae, episode

(소포클레스, 트라키니아이, episode)

상위

목록

SEARCH

MENU NAVIGATION