헬라어 문장 검색 - Σοπηοξ́Τραξηιν́08́0́05́

(소포클레스, 트라키니아이, episode 5:)

ἅπασ δ’ ἀνηυφήμησεν οἰμωγῇ λεώσ, τοῦ μὲν νοσοῦντοσ, τοῦ δὲ διαπεπραγμένου· κοὐδεὶσ ἐτόλμα τἀνδρὸσ ἀντίον μολεῖν. ἐσπᾶτο γὰρ πέδονδε καὶ μετάρσιοσ, βοῶν, ἰύζων· ἀμφὶ δ’ ἐκτύπουν πέτραι, Λοκρῶν τ’ ὄρειοι πρῶνεσ Εὐβοίασ τ’ ἄκραι. ἐπεὶ δ’ ἀπεῖπε, πολλὰ μὲν τάλασ χθονὶ ῥίπτων ἑαυτόν, πολλὰ δ’ οἰμωγῇ βοῶν, τὸ δυσπάρευνον λέκτρον ἐνδατούμενοσ σοῦ τῆσ ταλαίνησ, καὶ τὸν Οἰνέωσ γάμον οἱο͂ν κατακτήσαιτο λυμαντὴν βίου, τότ’ ἐκ προσέδρου λιγνύοσ διάστροφον ὀφθαλμὸν ἄρασ εἶδέ μ’ ἐν πολλῷ στρατῷ δακρυρροοῦντα, καί με προσβλέψασ καλεῖ· ὦ παῖ, πρόσελθε, μὴ φύγῃσ τοὐμὸν κακόν, μηδ’ εἴ σε χρὴ θανόντι συνθανεῖν ἐμοί· ἀλλ’ ἆρον ἔξω, καὶ μάλιστα μέν με θὲσ ἐνταῦθ’ ὅπου με μή τισ ὄψεται βροτῶν· εἰ δ’ οἶκτον ἴσχεισ, ἀλλά μ’ ἔκ γε τῆσδε γῆσ πόρθμευσον ὡσ τάχιστα, μηδ’ αὐτοῦ θάνω. τοσαῦτ’ ἐπισκήψαντοσ, ἐν μέσῳ σκάφει θέντεσ σφε πρὸσ γῆν τήνδ’ ἐκέλσαμεν μόλισ βρυχώμενον σπασμοῖσι· καί νιν αὐτίκα ἢ ζῶντ’ ἐσόψεσθ’ ἢ τεθνηκότ’ ἀρτίωσ. τοιαῦτα, μῆτερ, πατρὶ βουλεύσασ’ ἐμῷ καὶ δρῶσ’ ἐλήφθησ, ὧν σε ποίνιμοσ Δίκη τίσαιτ’ Ἐρινύσ τ’. εἰ θέμισ δ’, ἐπεύχομαι· θέμισ δ’, ἐπεί μοι τὴν θέμιν σὺ προύβαλεσ, πάντων ἄριστον ἄνδρα τῶν ἐπὶ χθονὶ κτείνασ’, ὁποῖον ἄλλον οὐκ ὄψει ποτέ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Trachiniae, episode 5:

(소포클레스, 트라키니아이, episode 5:)

상위

목록

SEARCH

MENU NAVIGATION