헬라어 문장 검색 - Σοπηοξ́Τραξηιν́08́0́04́

(소포클레스, 트라키니아이, episode 4:)

εἰ χρὴ μαθεῖν σε, πάντα δὴ φωνεῖν χρεών. ὅθ’ εἱρ͂πε κλεινὴν Εὐρύτου πέρσασ πόλιν, νίκησ ἄγων τροπαῖα κἀκροθίνια, ἀκτή τισ ἀμφίκλυστοσ Εὐβοίασ ἄκρον Κήναιόν ἐστιν, ἔνθα πατρῴῳ Διὶ βωμοὺσ ὁρίζει τεμενίαν τε φυλλάδα· οὗ νιν τὰ πρῶτ’ ἐσεῖδον ἄσμενοσ πόθῳ. μέλλοντι δ’ αὐτῷ πολυθύτουσ τεύχειν σφαγὰσ κῆρυξ ἀπ’ οἴκων ἵκετ’ οἰκεῖοσ Λίχασ, τὸ σὸν φέρων δώρημα, θανάσιμον πέπλον· ὃν κεῖνοσ ἐνδύσ, ὡσ σὺ προυξεφίεσο, ταυροκτονεῖ μὲν δώδεκ’ ἐντελεῖσ ἔχων λείασ ἀπαρχὴν βοῦσ· ἀτὰρ τὰ πάνθ’ ὁμοῦ ἑκατὸν προσῆγε συμμιγῆ βοσκήματα. καὶ πρῶτα μὲν δείλαιοσ ἵλεῳ φρενί, κόσμῳ τε χαίρων καὶ στολῇ, κατηύχετο· ὅπωσ δὲ σεμνῶν ὀργίων ἐδαίετο φλὸξ αἱματηρὰ κἀπὸ πιείρασ δρυόσ, ἱδρὼσ ἀνῄει χρωτί, καὶ προσπτύσσεται πλευραῖσιν ἀρτίκολλοσ, ὥστε τέκτονοσ, χιτὼν ἅπαν κατ’ ἄρθρον· ἦλθε δ’ ὀστέων ἀδαγμὸσ ἀντίσπαστοσ· εἶτα φοινίασ ἐχθρᾶσ ἐχίδνησ ἰὸσ ὣσ ἐδαίνυτο. ἐνταῦθα δὴ ’βόησε τὸν δυσδαίμονα Λίχαν, τὸν οὐδὲν αἴτιον τοῦ σοῦ κακοῦ, ποίαισ ἐνέγκοι τόνδε μηχαναῖσ πέπλον· ὁ δ’ οὐδὲν εἰδὼσ δύσμοροσ τὸ σὸν μόνησ δώρημ’ ἔλεξεν, ὥσπερ ἦν ἐσταλμένον. κἀκεῖνοσ ὡσ ἤκουσε καὶ διώδυνοσ σπαραγμὸσ αὐτοῦ πλευμόνων ἀνθήψατο, μάρψασ ποδόσ νιν, ἄρθρον ᾗ λυγίζεται, ῥιπτεῖ πρὸσ ἀμφίκλυστον ἐκ πόντου πέτραν· κόμησ δὲ λευκὸν μυελὸν ἐκραίνει, μέσου κρατὸσ διασπαρέντοσ αἵματόσ θ’ ὁμοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Sophocles, Trachiniae, episode 4:

(소포클레스, 트라키니아이, episode 4:)

상위

목록

SEARCH

MENU NAVIGATION