헬라어 문장 검색 - Σοπηοξ́Τραξηιν́08́0́01́

(소포클레스, 트라키니아이, episode 1:)

τοιοῦτον ἐκβέβηκεν οἱο͂ν, ἢν φράσω, γυναῖκεσ, ὑμᾶσ θαῦμ’ ἀνέλπιστον μαθεῖν. ᾧ γὰρ τὸν ἐνδυτῆρα πέπλον ἀρτίωσ ἔχριον, ἀργὴσ οἰὸσ εὐέρου πόκοσ, τοῦτ’ ἠφάνισται διάβορον πρὸσ οὐδενὸσ τῶν ἔνδον, ἀλλ’ ἐδεστὸν ἐξ αὑτοῦ φθίνει, καὶ ψῇ κατ’ ἄκρασ σπιλάδοσ· ὡσ δ’ εἰδῇσ ἅπαν, ᾗ τοῦτ’ ἐπράχθη, μείζον’ ἐκτενῶ λόγον. ἐγὼ γὰρ ὧν ὁ θήρ με Κένταυροσ, πονῶν πλευρὰν πικρᾷ γλωχῖνι, προυδιδάξατο παρῆκα θεσμῶν οὐδέν, ἀλλ’ ἐσῳζόμην χαλκῆσ ὅπωσ δύσνιπτον ἐκ δέλτου γραφήν. καί μοι τάδ’ ἦν πρόρρητα καὶ τοιαῦτ’ ἔδρων· τὸ φάρμακον τοῦτ’ ἄπυρον ἀκτῖνόσ τ’ ἀεὶ θερμῆσ ἄθικτον ἐν μυχοῖσ σῴζειν ἐμέ, ἑώσ νιν ἀρτίχριστον ἁρμόσαιμί που. κἄδρων τοιαῦτα. νῦν δ’, ὅτ’ ἦν ἐργαστέον, ἔχρισα μὲν κατ’ οἶκον ἐν δόμοισ κρυφῇ μαλλῷ, σπάσασα κτησίου βοτοῦ λάχνην, κἄθηκα συμπτύξασ’ ἀλαμπὲσ ἡλίου κοίλῳ ζυγάστρῳ δῶρον, ὥσπερ εἴδετε. εἴσω δ’ ἀποστείχουσα δέρκομαι φάτιν ἄφραστον, ἀξύμβλητον ἀνθρώπῳ μαθεῖν. τὸ γὰρ κάταγμα τυγχάνω ῥίψασά πωσ τῆσ οἰόσ, ᾧ προύχριον, ἐσ μέσην φλόγα, ἀκτῖν’ ἐσ ἡλιῶτιν· ὡσ δ’ ἐθάλπετο, ῥεῖ πᾶν ἄδηλον καὶ κατέψηκται χθονί, μορφῇ μάλιστ’ εἰκαστὸν ὥστε πρίονοσ ἐκβρώματ’ ἂν βλέψειασ ἐν τομῇ ξύλου. τοιόνδε κεῖται προπετέσ· ἐκ δὲ γῆσ, ὅθεν προύκειτ’, ἀναζέουσι θρομβώδεισ ἀφροί, γλαυκῆσ ὀπώρασ ὥστε πίονοσ ποτοῦ χυθέντοσ εἰσ γῆν Βακχίασ ἀπ’ ἀμπέλου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Trachiniae, episode 1:

(소포클레스, 트라키니아이, episode 1:)

상위

목록

SEARCH

MENU NAVIGATION