Sophocles, Trachiniae, choral 6:

(소포클레스, 트라키니아이, choral 6:)

αὐτοῦ γε πρῶτον βαιὸν ἀμμείνασ’, ὅπωσ μάθῃσ ἄνευ τῶνδ’, οὕστινάσ τ’ ἄγεισ ἔσω, ὧν τ’ οὐδὲν εἰσήκουσασ ἐκμάθῃσ ἃ δεῖ· τούτων ἔχω γὰρ πάντ’ ἐπιστήμην ἐγώ. τί δ’ ἐστί; τοῦ με τήνδ’ ἐφίστασαι βάσιν; σταθεῖσ’ ἄκουσον· καὶ γὰρ οὐδὲ τὸν πάροσ μῦθον μάτην ἤκουσασ, οὐδὲ νῦν δοκῶ. πότερον ἐκείνουσ δῆτα δεῦρ’ αὖθισ πάλιν καλῶμεν, ἢ ’μοὶ ταῖσδέ τ’ ἐξειπεῖν θέλεισ; σοὶ ταῖσδέ τ’ οὐδὲν εἴργεται, τούτουσ δ’ ἐά. καὶ δὴ βεβᾶσι, χὠ λόγοσ σημαινέτω. ἁνὴρ ὅδ’ οὐδὲν ὧν ἔλεξεν ἀρτίωσ φωνεῖ δίκησ ἐσ ὀρθόν, ἀλλ’ ἢ νῦν κακὸσ ἢ πρόσθεν οὐ δίκαιοσ ἄγγελοσ παρῆν. τί φήσ; σαφῶσ μοι φράζε πᾶν ὅσον νοεῖσ. ἃ μὲν γὰρ ἐξείρηκασ ἀγνοία μ’ ἔχει.

일치하는 문장이 없습니다.

SEARCH

MENU NAVIGATION