Sophocles, Philoctetes, episode

ἑρ´π, εἰ θέλεις.? τί δή ποθ ὧδ ἐξ οὐδενὸς λόγου σιωπᾷς κἀπόπληκτος ὧδ ἔχει· ἀᾶ, ἀᾶ. τί δ ἔστιν· οὐδὲν δεινόν: ἀλλ ἴθ, ὦ τέκνον. μῶν ἄλγος ἴσχεις τῆς παρεστώσης νόσου· οὐ δῆτ ἔγωγ, ἀλλ ἄρτι κουφίζειν δοκῶ. ὦ θεοί. τί τοὺς θεοὺς ὧδ ἀναστένων καλεῖς· σωτῆρας αὐτοὺς ἠπίους θ ἡμῖν μολεῖν. ἀᾶ, ἀᾶ. τί ποτε πέπονθας· οὐκ ἐρεῖς, ἀλλ ὧδ ἔσει σιγηλός· ἐν κακῷ δέ τῳ φαίνει κυρῶν. ἀπόλωλα, τέκνον, κοὐ δυνήσομαι κακὸν κρύψαι παρ ὑμῖν, ἀτταταῖ: διέρχεται διέρχεται. δύστηνος, ὦ τάλας ἐγώ. ἀπόλωλα, τέκνον: βρύκομαι, τέκνον: παπαῖ, ἀπαππαπαῖ, παπαππαπαππαπαππαπαῖ. πρὸς θεῶν, πρόχειρον εἴ τί σοι, τέκνον, πάρα ξίφος χεροῖν, πάταξον εἰς ἄκρον πόδα: ἀπάμησον ὡς τάχιστα: μὴ φείσῃ βίου. ἴθ, ὦ παῖ. τί δ ἔστιν οὕτω νεοχμὸν ἐξαίφνης, ὅτου τοσήνδ ἰυγὴν καὶ στόνον σαυτοῦ ποεῖ· οἶσθ, ὦ τέκνον· τί δ ἔστιν· οἶσθ, ὦ παῖ· τί σοί· οὐκ οἶδα. πῶς οὐκ οἶσθα· παππαπαππαπαῖ. δεινόν γε τοὐπίσαγμα τοῦ νοσήματος. δεινὸν γὰρ οὐδὲ ῥητόν: ἀλλ οἴκτιρέ με. τί δῆτα δράσω· μή με ταρβήσας προδῷς: ἥκει γὰρ αὕτη διὰ χρόνου πλάνοις ἴσως ὡς ἐξεπλήσθη. ἰὼ ἰὼ δύστηνε σύ, δύστηνε δῆτα διὰ πόνων πάντων φανείς. βούλει λάβωμαι δῆτα καὶ θίγω τί σου· μὴ δῆτα τοῦτό γ: ἀλλά μοι τὰ τόξ ἑλὼν τάδ, ὥσπερ ᾐτοῦ μ ἀρτίως, ἑώς ἀνῇ τὸ πῆμα τοῦτο τῆς νόσου τὸ νῦν παρόν, σῷζ αὐτὰ καὶ φύλασσε. λαμβάνει γὰρ οὖν ὕπνος μ, ὅταν περ τὸ κακὸν ἐξίῃ τόδε: κοὐκ ἔστι λῆξαι πρότερον: ἀλλ ἐᾶν χρεὼν ἕκηλον εὕδειν. ἢν δὲ τῷδε τῷ χρόνῳ μόλως ἐκεῖνοι, πρὸς θεῶν ἐφίεμαι ἑκόντα μηδ ἄκοντα μηδέ τῳ τέχνῃ κείνοις μεθεῖναι ταῦτα, μὴ σαυτόν θ ἅμα κἄμ, ὄντα σαυτοῦ πρόστροπον, κτείνας γένῃ. θάρσει προνοίας οὕνεκ: οὐ δοθήσεται πλὴν σοί τε κἀμοί: ξὺν τύχῃ δὲ πρόσφερε. ἰδοὺ δέχου, παῖ: τὸν φθόνον δὲ πρόσκυσον μή σοι γενέσθαι πολύπον αὐτὰ μηδ ὅπως ἐμοί τε καὶ τῷ πρόσθ ἐμοῦ κεκτημένῳ. ὦ θεοί, γένοιτο ταῦτα νῷν: γένοιτο δὲ πλοῦς οὔριός τε κεὐσταλὴς ὅποι ποτὲ θεὸς δικαιοῖ χὠ στόλος πορσύνεται. ἀλλ οὖν δέδοικα μὴ ἀτέλεστ εὔχῃ, τέκνον. στάζει γὰρ αὖ μοι φοίνιον τόδ ἐκ βυθοῦ κηκῖον αἷμα, καί τι προσδοκῶ νέον. παπαῖ, φεῦ. παπαῖ μάλ, ὦ πούς, οἱά῀ μ ἐργάσει κακά. προσέρπει, προσέρχεται τόδ ἐγγύς. οἴμοι μοι τάλας. ἔχετε τὸ πρᾶγμα: μὴ φύγητε μηδαμῇ. ἀτταταῖ. ὦ ξένε Κεφαλλήν, εἴθε σου διαμπερὲς στέρνων ἔχοιτ ἄλγησις ἥδε. φεῦ, παπαῖ, παπαῖ μάλ αὖθις. ὦ διπλοῖ στρατηλάται, Ἀγάμεμνον, ὦ Μενέλαε, πῶς ἂν ἀντ ἐμοῦ τὸν ἴσον χρόνον τρέφοιτε τήνδε τὴν νόσον· ἰώ μοι. ὦ Θάνατε Θάνατε, πῶς ἀεὶ καλούμενος οὕτω κατ ἦμαρ, οὐ δύνᾳ μολεῖν ποτε· ὦ τέκνον ὦ γενναῖον, ἀλλὰ συλλαβὼν τῷ Λημνίῳ τῷδ ἀνακαλουμένῳ πυρὶ ἔμπρησον, ὦ γενναῖε: κἀγώ τοί ποτε τὸν τοῦ Διὸς παῖδ ἀντὶ τῶνδε τῶν ὅπλων, ἃ νῦν σὺ σῴζεις, τοῦτ ἐπηξίωσα δρᾶν. τί φής, παῖ· τί φής· τί σιγᾷς· ποῦ ποτ ὤν, τέκνον, κυρεῖς· ἀλγῶ πάλαι δὴ τἀπὶ σοὶ στένων κακά.

ἀλλ, ὦ τέκνον, καὶ θάρσος ἴσχ: ὡς ἥδε μοι ὀξεῖα φοιτᾷ καὶ ταχεῖ ἀπέρχεται. ἀλλ ἀντιάζω, μή με καταλίπῃς μόνον. θάρσει, μενοῦμεν. ἦ μενεῖς· σαφῶς φρόνει. οὐ μήν ς ἔνορκόν γ ἀξιῶ θέσθαι, τέκνον. ὡς οὐ θέμις γ ἐμοὔστι σοῦ μολεῖν ἄτερ. ἔμβαλλε χειρὸς πίστιν. ἐμβάλλω μενεῖν. ἐκεῖσε νῦν μ, ἐκεῖσε ποῖ λέγεις· ἄνω τί παραφρονεῖς αὖ· τί τὸν ἄνω λεύσσεις κύκλον· μέθες μέθες με. ποῖ μεθῶ· μέθες ποτέ. οὔ φημ ἐάσειν. ἀπό μ ὀλεῖς, ἢν προσθίγῃς. καὶ δὴ μεθίημ, εἴ τι δὴ πλέον φρονεῖς. ὦ γαῖα, δέξαι θανάσιμόν μ ὅπως ἔχω τὸ γὰρ κακὸν τόδ οὐκέτ ὀρθοῦσθαί μ ἐᾷ. τὸν ἄνδρ ἐοίκεν ὕπνος οὐ μακροῦ χρόνου ἕξειν: κάρα γὰρ ὑπτιάζεται τόδε: ἱδρώς γέ τοί νιν πᾶν καταστάζει δέμας, μέλαινά τ ἄκρου τις παρέρρωγεν ποδὸς αἱμορραγὴς φλέψ. ἀλλ ἐάσωμεν, φίλοι, ἕκηλον αὐτόν, ὡς ἂν εἰς ὕπνον πέσῃ.?