Pseudo-Plutarch, Placita Philosophorum, book 1, chapter 0

(위 플루타르코스, Placita Philosophorum, book 1, chapter 0)

μέλλοντεσ τὸν φυσικὸν παραδώσειν λόγον ἀναγκαῖον ἡγούμεθα εὐθὺσ ἐν ἀρχαῖσ διελέσθαι τὴν τῆσ φιλοσοφίασ πραγματείαν, ἵν’ εἰδῶμεν τί ἐστι καὶ πόστον μέροσ αὐτῆσ ἡ φυσικὴ διέξοδοσ. οἱ μὲν οὖν Στωικοὶ ἔφασαν τὴν μὲν σοφίαν εἶναι θείων τε καὶ ἀνθρωπίνων ἐπιστήμην, τὴν δὲ φιλοσοφίαν ἄσκησιν ἐπιτηδείου τέχνησ, ἐπιτήδειον δ’ εἶναι μίαν καὶ ἀνωτάτω τὴν ἀρετήν, ἀρετὰσ δὲ τὰσ γενικωτάτασ τρεῖσ, φυσικὴν ἠθικὴν λογικήν· δι’ ἣν αἰτίαν καὶ τριμερήσ ἐστιν ἡ φιλοσοφία, ἧσ τὸ μὲν φυσικὸν τὸ δ’ ἠθικὸν τὸ δὲ λογικόν·

καὶ φυσικὸν μὲν ὅταν περὶ κόσμου ζητῶμεν καὶ τῶν ἐν κόσμῳ, ἠθικὸν δὲ τὸ κατησχολημένον περὶ τὸν ἀνθρώπινον βίον, λογικὸν δὲ τὸ περὶ τὸν λόγον, ὃ καὶ διαλεκτικὸν καλοῦσιν.

Ἀριστοτέλησ δὲ καὶ Θεόφραστοσ καὶ σχεδὸν πάντεσ οἱ Περιπατητικοὶ διείλοντο τὴν φιλοσοφίαν οὕτωσ·

ἀναγκαῖον τὸν τέλειον ἄνδρα καὶ θεωρητικὸν εἶναι τῶν ὄντων καὶ πρακτικὸν τῶν δεόντων· τοῦτο δ’ ἔξεστι καὶ ἐκ τούτων συνιδεῖν, οἱο͂ν ζητεῖται εἰ ζῷον ἢ μὴ ζῷον ὁ ἣλιοσ, εἴπερ ὁρᾶται· ὁ τοῦτο δὲ ζητῶν θεωρητικόσ ἐστιν· οὐδὲ γάρ τι πλέον θεωρεῖται ἢ τὸ ὄν. ζητεῖται ὁμοίωσ εἰ ἄπειροσ ὁ κόσμοσ ἐστὶ καὶ εἰ ἔξω τι τοῦ κόσμου ἔστι· ταῦτα γὰρ πάντα θεωρητικά.

ζητεῖται πάλιν πῶσ βιοτεύειν καὶ πῶσ προΐστασθαι τέκνων προσήκει καὶ πῶσ ἄρχειν καὶ πῶσ νομοθετεῖν · ἀνήρ.

일치하는 문장이 없습니다.

SEARCH

MENU NAVIGATION