헬라어 문장 검색 - ΠολψβίΗιστορί38́020́

(폴리비오스, Histories, book 38, chapter 20)

Ὅτι τοῦ Ἀσδρούβου τοῦ τῶν Καρχηδονίων στρατηγοῦ ἱκέτου παραγενομένου τοῖσ τοῦ Σκιπίωνοσ γόνασιν, ὁ στρατηγὸσ ἐμβλέψασ εἰσ τοὺσ συνόντασ "Ὁρᾶτ’" ἔφη "τὴν τύχην, ὦ ἄνδρεσ, ὡσ ἀγαθὴ παραδειγματίζειν ἐστὶ τοὺσ ἀλογίστουσ τῶν ἀνθρώπων. οὗτόσ ἐστιν Ἀσδρούβασ ὁ νεωστὶ πολλῶν αὐτῷ καὶ φιλανθρώπων προτεινομένων ὑφ’ ἡμῶν ἀπαξιῶν, φάσκων δὲ κάλλιστον ἐντάφιον εἶναι τὴν πατρίδα καὶ τὸ ταύτησ πῦρ, νῦν πάρεστι μετὰ στεμμάτων δεόμενοσ ἡμῶν τυχεῖν τῆσ ζωῆσ καὶ πάσασ τὰσ ἐλπίδασ ἔχων ἐν ἡμῖν.

ἃ τίσ οὐκ ἂν ὑπὸ τὴν ὄψιν θεασάμενοσ ἐν νῷ λάβοι διότι δεῖ μηδέποτε λέγειν μηδὲ πράττειν μηδὲν ὑπερήφανον ἄνθρωπον ὄντα;

" καὶ προελθόντεσ τινὲσ τῶν αὐτομόλων ἐπὶ τὸ πέρασ τοῦ τέγουσ παρῃτοῦντο τοὺσ προμαχομένουσ ἀνασχεῖν μικρόν·

τοῦ δὲ στρατηγοῦ κελεύσαντοσ ἐπισχεῖν, ἤρξαντο τὸν Ἀσδρούβαν λοιδορεῖν οἱ μὲν εἰσ ἐπιορκίαν, φάσκοντεσ αὐτὸν πολλάκισ ἐπὶ τῶν ἱερῶν ὀμωμοκέναι μὴ προλείψειν αὐτούσ, οἱ δ’ εἰσ ἀνανδρίαν καὶ καθόλου τὴν τῆσ ψυχῆσ ἀγεννίαν·

καὶ ταῦτ’ ἐποίουν μετὰ χλευασμοῦ καὶ λοιδορίασ ἀσυροῦσ καὶ δυσμενικῆσ.

Κατὰ δὲ τὸν καιρὸν τοῦτον ἡ γυνὴ θεωροῦσα τὸν Ἀσδρούβαν προκαθήμενον μετὰ τοῦ στρατηγοῦ προῆλθεν ἐκ τῶν αὐτομόλων, αὐτὴ μὲν ἐλευθερίωσ καὶ σεμνῶσ ἠμφιεσμένη, τοὺσ δὲ παῖδασ ἐν χιτωνίσκοισ ἐξ ἑκατέρου τοῦ μέρουσ προσειληφυῖα ταῖσ χερσὶ μετὰ τῶν ἰδίων ἐνδυμάτων.

καὶ τὸ μὲν πρῶτον ὀνομαστὶ προσεφώνει τὸν Ἀσδρούβαν, τοῦ δ’ ἀποσιωπῶντοσ καὶ νεύοντοσ εἰσ τὴν γῆν, τὰσ μὲν ἀρχὰσ τοὺσ θεοὺσ ἐπεκαλεῖτο καὶ τῷ στρατηγῷ μεγάλασ ἀπένεμε τὰσ χάριτασ, διότι τὸ μὲν ἐκείνου μέροσ οὐκ αὐτὴ μόνον, ἀλλὰ καὶ τὰ τέκνα σῴζεται·

βραχὺ δ’ ἐπισχοῦσα τὸν Ἀσδρούβαν ἤρετο πῶσ αὐτῇ μὲν φάσκων οὐδὲν κατ’ ἰδίαν παρὰ τοῦ στρατηγοῦ πορίζοιτο τὴν σωτηρίαν αὐτομολήσασ, πῶσ δ’ οὕτωσ ἀναισχύντωσ ἐγκαταλιπὼν τὰ πράγματα καὶ τοὺσ ἀστοὺσ αὐτῷ πιστεύοντασ ὑπέλθοι πρὸσ τοὺσ πολεμίουσ, πῶσ δὲ παρὰ τούτοισ τολμᾷ καθῆσθαι νῦν θαλλοὺσ ἔχων πρὸσ οὓσ πολλάκισ οὐδέποτε ταύτην ἔσεσθαι τὴν ἡμέραν, ἐν ᾗ συμβήσεται τὸν ἥλιον ἅμα καθορᾶν Ἀσδρούβαν ζῶντα καὶ τὴν πατρίδα πυρπολουμένην·

οὐ μὴν ἀλλ’ γε το!

εινε δ φυλα ο̣

ι̣ ουσ̣ α̣ ν̣ συ πεποιηκασ αισχρωσ δεγεπονειδιστωσ ηδε ρω και τα τεκνα πράξομεν κα τ̣ α̣ υ̣ τ̣ α̣ π̣ α̣ λ̣ ι̣ ν̣ εισ αυτην επω λενων το σ̣ ν ον υ πο ου τει λασα του̣ σ α̣ υ̣ τοισα τε παντασ συμπαθεισ γενομενουσ τηι περπ̣ ε̣ τ̣ εια και η ασ τησ τυχησ ν δοξαι διαμ̣

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 38, chapter 20

(폴리비오스, Histories, book 38, chapter 20)

상위

목록

SEARCH

MENU NAVIGATION