헬라어 문장 검색 - ΠολψβίΗιστορί38́017́

(폴리비오스, Histories, book 38, chapter 17)

Ὅτι ἄρτι τοῦ Διαίου παρόντοσ εἰσ τὴν Κόρινθον, καθεσταμένου στρατηγοῦ διὰ τῶν πολλῶν, ἧκον οἱ περὶ τὸν Ἀνδρωνίδαν παρὰ τοῦ Καικιλίου· καθ’ ὧν προδιαδοὺσ φήμην ὡσ συμφρονούντων τοῖσ ἐχθροῖσ, παρέβαλε τοὺσ ἀνθρώπουσ τοῖσ ὄχλοισ, ὥστε μετὰ πάσησ ὕβρεωσ συλληφθέντασ ἀπαχθῆναι δεδεμένουσ.

ἧκε δὲ καὶ Φίλων ὁ Θετταλὸσ πολλὰ φιλάνθρωπα τοῖσ Ἀχαιοῖσ προτείνων·

ὧν ἀκούοντεσ συνέπραξάν τινεσ τῶν ἐκ τῆσ χώρασ, ἐν οἷσ ἦν καὶ Στρατίοσ ἤδη γηραιὸσ ὤν, ὃσ ἐμπλεκόμενοσ καὶ λιπαρῶν ἐδεῖτο τοῦ Διαίου πεισθῆναι τοῖσ ὑπὸ τοῦ Καικιλίου προτεινομένοισ.

οἱ δὲ συνεδρεύσαντεσ τοῖσ μὲν ὑπὸ τοῦ Φίλωνοσ λεγομένοισ οὐ προσεῖχον·

οὐκ ἐνόμισαν γὰρ κοινὴν εἶναι τὴν σωτηρίαν, ἀλλ’ αὐτοὺσ κατ’ ἰδίαν τὸ σφέτερον συμφέρον καὶ τὴν αὑτῶν ἀσφάλειαν ἐν πλείστῳ τιθεμένουσ ταῦτα λέγειν.

διὸ πρὸσ τοῦτον τὸν σκοπὸν ἐβουλεύσαντο περὶ τῶν ἐνεστώτων, εἰ καὶ πάντων ἅμα διήμαρτον. σαφῶσ γὰρ σφίσι τὰ πεπραγμένα συνειδότεσ οὐδαμῶσ ἐδύναντο πιστεῦσαι διότι τύχοιεν ἄν τινοσ ἐλέου παρὰ Ῥωμαίων.

τὸ δ’ ὑπὲρ τῶν πραγμάτων καὶ τῆσ τῶν πολλῶν σωτηρίασ παθεῖν ὅ,τι δέοι γενναίωσ οὐδ’ ἐν νῷ καθάπαξ ἐλάμβανον·

ὅπερ ἦν ἀνδρῶν φιλοδόξων καὶ προστατεῖν φασκόντων τῆσ Ἑλλάδοσ. ἀλλὰ γὰρ πῶσ ἔμελλε καὶ πόθεν παραστήσεσθαι τοῦτο τὸ φρόνημα τοῖσ προειρημένοισ;

ἦσαν γὰρ οἱ βουλευόμενοι Δίαιοσ καὶ Δαμόκριτοσ, ἄρτι τῆσ καθόδου τετευχὼσ διὰ τὴν ἐνεστῶσαν ἀκρισίαν, σὺν δὲ τούτοισ Ἀλκαμένησ, Θεοδέκτησ, Ἀρχικράτησ. ὑπὲρ ὧν, τίνεσ ἦσαν καὶ τίνα φύσιν ἕκαστοσ εἶχε καὶ τίνα προαίρεσιν καὶ βίον, εἴρηται διὰ πλειόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 38, chapter 17

(폴리비오스, Histories, book 38, chapter 17)

상위

목록

SEARCH

MENU NAVIGATION