헬라어 문장 검색 - ΠολψβίΗιστορί38́018́

(폴리비오스, Histories, book 38, chapter 18)

Ὅθεν ἐν τοιούτοισ ὄντοσ τοῦ διαβουλίου καὶ τὸ τέλοσ ἀκόλουθον ἐξέβη τῶν δοξάντων. παραυτίκα μὲν οὖν συνέκλεισαν οὐ μόνον τοὺσ περὶ τὸν Ἀνδρωνίδαν καὶ Λάγιον, ἀλλὰ καὶ τὸν ὑποστράτηγον Σωσικράτην, ἐπενέγκαντεσ αἰτίαν ὅτι προστατήσαι τοῦ διαβουλίου καὶ συναποφήναιτο πέμπειν πρὸσ τὸν Καικίλιον καὶ συλλήβδην πάντων εἰή τῶν κακῶν αἴτιοσ·

εἰσ δὲ τὴν ἐπαύριον καθίσαντεσ δικαστὰσ τοῦ μὲν Σωσικράτουσ κατεδίκασαν θάνατον καὶ δήσαντεσ καὶ στρεβλοῦντεσ προσεκαρτέρουν, ἑώσ διέφθειραν τὸν ἄνθρωπον, οὐδὲν εἰπόντα τῶν ἐκείνοισ προσδοκωμένων.

τὸν δὲ Λάγιον καὶ τὸν Ἀνδρωνίδαν καὶ τὸν Ἄρχιππον ἀφῆκαν, ἅμα μὲν τοῦ πλήθουσ εἰσ ἐπίστασιν παραγενομένου διὰ τὴν εἰσ τὸν Σωσικράτη παρανομίαν, ἅμα δὲ τοῦ Διαίου λαβόντοσ παρὰ μὲν Ἀνδρωνίδου τάλαντον, παρὰ δ’ Ἀρχίππου τετταράκοντα μνᾶσ.

οὐδὲ γὰρ ἐπὶ τοῦ σκάμματοσ ὤν, τὸ δὴ λεγόμενον, ἐδύνατο λῆξαι τῆσ περὶ τοῦτο τὸ μέροσ ἀναισχυντίασ καὶ παρανομίασ ὁ προειρημένοσ.

παραπλήσια δὲ τούτοισ ἔπραξε καὶ βραχεῖ χρόνῳ πρότερον εἰσ Φιλῖνον τὸν Κορίνθιον·

προθεὶσ γὰρ αἰτίαν ὅτι διαπέμπεται πρὸσ Μεναλκίδαν καὶ τὰ Ῥωμαίων φρονεῖ, τόν τε Φιλῖνον καὶ τοὺσ υἱοὺσ αὐτοῦ μαστιγῶν καὶ στρεβλῶν ἐν συνόψει πάντασ ἀλλήλων οὐ πρότερον ἔληξε πρὶν ἢ διέφθειρε τὰ μειράκια καὶ τὸν Φιλῖνον. τοιαύτησ δὲ τῆσ ἀνοίασ καὶ τῆσ ἀκρισίασ συμβαινούσησ περὶ πάντασ οἱάν οὐδ’ ἂν ἐν βαρβάροισ εὑρ́οι τισ ῥᾳδίωσ, δῆλον ὡσ εἰκότωσ ἄν τισ ἐπιζητήσειε πῶσ οὐκ ἄρδην ἀπώλοντο πάντεσ.

ἐγὼ γὰρ ἂν εἴποιμι διότι δοκεῖ μοι καθαπερανεὶ τύχη τισ ἀντερεῖσαι πανοῦργοσ καὶ τεχνικὴ πρὸσ τὴν ἄνοιαν καὶ μανίαν τῶν ἡγουμένων, ἥτισ ἐξωθουμένη πάντῃ καὶ πάντωσ ὑπὸ τῆσ ἀγνοίασ τῶν προεστώτων, βουλομένη δὲ κατὰ πάντα τρόπον σῴζειν τοὺσ Ἀχαιούσ, ἐπὶ τὸ καταλειπόμενον ἦλθεν ὥσπερ ἀγαθὸσ παλαιστήσ.

τοῦτο δ’ ἦν τὸ ταχέωσ σφῆλαι καὶ ῥᾳδίωσ ἡττῆσαι τοὺσ Ἕλληνασ·

ὅπερ ἐποίησε. διὰ γὰρ τοῦτο συνέβη μήτε τὴν τῶν Ῥωμαίων ὀργὴν καὶ θυμὸν ἐκκαυθῆναι πορρωτέρω, μηδ’ ἐλθεῖν τὰσ ἐκ τῆσ Λιβύησ δυνάμεισ, μήτε τοὺσ προεστῶτασ, ὄντασ οἱούσ εἶπον, ἐπιλαβομένουσ δὲ προτερήματοσ, ἀποδείξασθαι τὴν αὑτῶν ἀσέβειαν εἰσ τοὺσ ὁμοφύλουσ.

τί γὰρ εἰκὸσ ἦν πρᾶξαι τούτουσ κατὰ τῶν ἰδίων, ἐπιλαβομένουσ ἀφορμῆσ τινοσ ἢ προτερήματοσ, δῆλόν ἐστιν ἐκ τῶν προειρημένων διὰ τὸ κατὰ λόγον.

ἅπαντεσ δὲ τότε τὴν παροιμίαν ταύτην διὰ στόματοσ ἔσχον, ὡσ "Εἰ μὴ ταχέωσ ἀπωλόμεθα, οὐκ ἂν ἐσώθημεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 38, chapter 18

(폴리비오스, Histories, book 38, chapter 18)

상위

목록

SEARCH

MENU NAVIGATION