헬라어 문장 검색 - ΠολψβίΗιστορί38́016́

(폴리비오스, Histories, book 38, chapter 16)

εἰσ αὐτὸν τὸν ὄλεθρον εἰσέφερον. ἁπάντων δὲ τούτων ἐν ἑνὶ καιρῷ συμβαινόντων, ἡ τῶν κατὰ μέροσ ἀεὶ προσπιπτόντων κατάπληξισ ἀφῃρεῖτο τῶν ἀνθρώπων τὴν ὑπὲρ τῶν ὅλων ἐπίστασιν καὶ διάληψιν, δι’ ἧσ ἔμελλον προνοεῖσθαι διότι πάντεσ εἰσ πρόδηλον ὄλεθρον ἄγονται μετὰ τέκνων καὶ γυναικῶν. λοιπόν, οἱο͂ν ὑπὸ χειμάρρου τινὸσ λάβρου προωθούμενοι καὶ φερόμενοι μετὰ βίασ, ἐπηκολούθουν τῇ τοῦ προεστῶτοσ ἀγνοίᾳ καὶ παρακοπῇ.

Ἠλεῖοι μὲν γὰρ καὶ Μεσσήνιοι κατὰ χώραν ἔμειναν, προσδοκῶντεσ τὸν ἀπὸ τοῦ στόλου κίνδυνον·

οὓσ οὐδὲν ἂν τῶν παρόντων ὤνησεν, εἴπερ ἐφάνη τὸ νέφοσ ἐκεῖνο κατὰ τὴν ἐξ ἀρχῆσ πρόθεσιν. Πατρεῖσ δὲ καὶ τὸ μετὰ τούτων συντελικὸν βραχεῖ χρόνῳ πρότερον ἐπταίκει κατὰ τὴν Φωκίδα, καὶ τὸ συμβαῖνον ἦν πολλῷ τῶν κατὰ Πελοπόννησον ἐλεεινότερον.

οἱ μὲν γὰρ ἐκ τοῦ ζῆν παραλόγωσ αὑτοὺσ ἐξῆγον, οἱ δ’ ἔφευγον ἐκ τῶν πόλεων ἀνοδίαισ, πρὸσ οὐδὲν ὡρισμένον ποιούμενοι τὴν ἀναχώρησιν διὰ τὴν ἔκπληξιν τῶν γινομένων ἐν ταῖσ πόλεσιν.

καὶ οἱ μὲν ἦγον ἐκδώσοντεσ ἀλλήλουσ τοῖσ πολεμίοισ ὡσ ἀλλοτρίουσ γεγονότασ Ῥωμαίων, οἱ δ’ ἐμήνυον καὶ κατηγόρουν τῶν πέλασ, οὐδενὸσ ἐπιζητοῦντοσ κατὰ τὸ παρὸν τὴν τοιαύτην χρείαν·

οἱ δὲ μεθ’ ἱκετηρίασ ἀπήντων, ὁμολογοῦντεσ παρεσπονδηκέναι καὶ πυνθανόμενοι τί δεῖ πάσχειν, μηδέπω μηδενὸσ ἐπιζητοῦντοσ λόγον ὑπὲρ τούτων. πάντα δ’ ἦν πλήρη παρηλλαγμένησ φαρμακείασ τῶν ῥιπτούντων ἑαυτοὺσ εἰσ τὰ φρέατα καὶ κατὰ κρημνῶν, ὥστε κατὰ τὴν παροιμίαν κἂν ἐχθρὸν ἐλεῆσαι θεασάμενον τὴν τότε περιπέτειαν τῆσ Ἑλλάδοσ.

τὸν μὲν γὰρ πρὸ τοῦ χρόνον ἐσφάλλοντο καὶ τοῖσ ὅλοισ ἔπταιον ἐνίοτε, ποτὲ μὲν ὑπὲρ πραγμάτων διαφερόμενοι, ποτὲ δὲ παρασπονδούμενοι διὰ τῶν μονάρχων·

κατὰ δὲ τοὺσ νῦν λεγομένουσ καιροὺσ ἠτύχησαν ἀτυχίαν ὁμολογουμένην διὰ τὴν τῶν προεστώτων ἀβουλίαν καὶ διὰ τὴν ἰδίαν ἄγνοιαν.

οἱ δὲ Θηβαῖοι ἐκλιπόντεσ πανδημεὶ τὴν πόλιν ἔρημον τελέωσ κατέλειπον·

ἐν οἷσ καὶ Πυθέασ εἰσ Πελοπόννησον ἀποχωρήσασ μετὰ γυναικὸσ καὶ τῶν τέκνων ἠλᾶτο κατὰ τῆσ χώρασ. ‐ Παράδοξοσ αὐτῷ ἐφάνη ἡ ἀπάντησισ τῶν πολεμίων. ἀλλά μοι δοκεῖ κατὰ τὴν παροιμίαν κενὰ κενοὶ λογίζονται.

λοιπὸν εἰκότωσ τοῖσ τοιούτοισ τὰ πρόδηλα παράδοξα φαίνεται. ὅμοιον ποιῶν ὡσ εἴ τισ ἄπειροσ ὑπάρχων τοῦ νεῖν καὶ μέλλων αὑτὸν ῥίπτειν εἰσ τὸ πέλαγοσ περὶ μὲν τοῦ ῥῖψαι μὴ βουλεύοιτο, ῥίψασ δὲ διανοοῖτο περὶ τοῦ πῶσ ἂν ἐκνήξαιτο πρὸσ τὴν γῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 38, chapter 16

(폴리비오스, Histories, book 38, chapter 16)

상위

목록

SEARCH

MENU NAVIGATION