헬라어 문장 검색 - ΠολψβίΗιστορί38́013́

(폴리비오스, Histories, book 38, chapter 13)

προθέσεωσ. τῶν δὲ τῆσ γερουσίασ βουλομένων ἐπιλαμβάνεσθαι καὶ κωλύειν αὐτὸν τῶν τοιούτων λόγων, περισπασάμενοσ τοὺσ στρατιώτασ κατανίστατο, κελεύων προσελθεῖν, ἐγγίσαι, τολμῆσαί τινα μόνον ἅψασθαι τῆσ χλαμύδοσ. καθόλου δ’ ἔφη πολὺν ἤδη χρόνον παρακατεσχηκὼσ αὑτὸν οὐκέτι δύνασθαι καρτερεῖν, ἀλλ’ ἐρεῖν τὸ φαινόμενον.

δεῖν γὰρ οὐ Λακεδαιμονίουσ οὐδὲ Ῥωμαίουσ ἀγωνιᾶν οὕτωσ ὡσ τοὺσ ἐξ αὐτῶν συνεργοῦντασ τοῖσ ἐχθροῖσ·

εἶναι γάρ τινασ τοὺσ πλεῖον Ῥωμαίοισ εὐνοοῦντασ καὶ Λακεδαιμονίοισ ἢ τοῖσ σφετέροισ πράγμασιν. καὶ τούτων πίστιν ἔφερεν·

ἔφη γὰρ Εὐαγόραν τὸν Αἰγιέα καὶ τὸν Τριταιέα Στρατίον πάντα τὰ λεγόμενα δι’ ἀπορρήτων ἐν ταῖσ συναρχίαισ διασαφεῖν τοῖσ περὶ τὸν Γνάιον. τοῦ δὲ Στρατίου συμμεμιχέναι μὲν τοῖσ ἀνθρώποισ ὁμολογοῦντοσ καὶ μετὰ ταῦτα συμμίξειν φάσκοντοσ φίλοισ οὖσι καὶ συμμάχοισ, ἀνηγγελκέναι δ’ ὁρκιζομένου μηδὲν τῶν ἐν ταῖσ συναρχίαισ εἰρημένων, ὀλίγοι μέν τινεσ ἐπίστευον, οἱ δὲ πλείουσ προσεδέχοντο τὰσ διαβολάσ.

ὁ δὲ Κριτόλαοσ παροξύνασ τοὺσ ὄχλουσ διὰ τῆσ τούτων κατηγορίασ ἔπεισε τοὺσ Ἀχαιοὺσ πάλιν ψηφίσασθαι λόγῳ μὲν τὸν πρὸσ Λακεδαιμονίουσ πόλεμον, ἔργῳ δὲ τὸν πρὸσ Ῥωμαίουσ·

καὶ προσεπεμέτρησεν ἕτερον ψήφισμα παράνομον, ὥστε κυρίουσ εἶναι τοὺσ ἀνθρώπουσ οὓσ [ἂν] ἐπὶ στρατηγίαν αἱρήσονται·

δι’ οὗ τρόπου τινὰ μοναρχικὴν ἀνέλαβεν ἐξουσίαν. Οὗτοσ μὲν οὖν ταῦτα διοικησάμενοσ ἐγίνετο περὶ τὸ πραγματοκοπεῖν καὶ Ῥωμαίοισ ἐπιβάλλειν τὰσ χεῖρασ, οὐδενὶ λόγῳ τοῦτο πράττων, ἀλλὰ πάντων ἀσεβεστάτοισ καὶ παρανομωτάτοισ ἐπιβαλλόμενοσ·

τῶν δὲ πρέσβεων ὁ μὲν Γνάιοσ εἰσ Ἀθήνασ ἀπῆρεν κἀκεῖθεν εἰσ Λακεδαίμονα προσεδρεύσων τοῖσ καιροῖσ, ὁ δ’ Αὖλοσ εἰσ Ναύπακτον, οἱ δὲ δύο μέχρι τῆσ τοῦ Καικιλίου παρουσίασ ἔμειναν ἐν ταῖσ Ἀθήναισ.

καὶ τὰ μὲν κατὰ τὴν Πελοπόννησον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 38, chapter 13

(폴리비오스, Histories, book 38, chapter 13)

상위

목록

SEARCH

MENU NAVIGATION