헬라어 문장 검색 - ΠολψβίΗιστορί38́012́

(폴리비오스, Histories, book 38, chapter 12)

Ὁ δὲ Κόιντοσ ὁ Καικίλιοσ ἐν τῇ Μακεδονίᾳ τάδε πυνθανόμενοσ καὶ τὴν ἐν Πελοποννήσῳ γενομένην ἀκρισίαν καὶ ταραχὴν ἐξέπεμψε πρεσβευτὰσ Γνάιον Παπείριον καὶ τὸν νεώτερον Ποπίλιον Λαινᾶτον, σὺν δὲ τούτοισ Αὖλον Γαβίνιον καὶ Γάιον Φάννιον· πᾶσαν ἐνδεικνύμενοι φιλοτιμίαν χάριν τοῦ μὴ προβῆναι τοὺσ Ἀχαιοὺσ εἰσ ὁλοσχερεστέραν ἀπέχθειαν πρὸσ Ῥωμαίουσ μήτ’ ἐκ τῆσ πρὸσ Λακεδαιμονίουσ προφάσεωσ μήτε διὰ τῆσ πρὸσ αὐτοὺσ ἐκείνουσ ἀλλοτριότητοσ.

ὧν οἱ μὲν πολλοὶ διακούοντεσ οὐδαμῶσ ἀνείχοντο, χλευάζοντεσ δὲ τοὺσ πρέσβεισ μετὰ θορύβου καὶ κραυγῆσ ἐξέβαλον.

καὶ γὰρ συνηθροίσθη πλῆθοσ ἐργαστηριακῶν καὶ βαναύσων ἀνθρώπων ὅσον οὐδέποτε·

πᾶσαι μὲν γὰρ ἐκορύζων αἱ πόλεισ, πανδημεὶ δὲ καὶ μάλιστά πωσ ἡ τῶν Κορινθίων. ὀλίγοισ δέ τισι καὶ λίαν ἤρεσκε τὰ λεγόμενα διὰ τῶν πρεσβευτῶν.

ὁ δὲ Κριτόλαοσ, ὥσπερ κατ’ εὐχὴν ὑποθέσεωσ ἐπειλημμένοσ καὶ θεάτρου συνενθουσιῶντοσ καὶ παρεστηκότοσ ταῖσ διανοίαισ, κατανίστατο μὲν τῶν ἀρχόντων, διέσυρε δὲ τοὺσ ἀντιπολιτευομένουσ, ἐνεπαρρησιάζετο δὲ τοῖσ τῶν Ῥωμαίων πρεσβευταῖσ, φάσκων βούλεσθαι μὲν Ῥωμαίων φίλοσ ὑπάρχειν, δεσπότασ δ’ οὐκ ἂν εὐδοκῆσαι κτησάμενοσ.

λέγων ὡσ, ἐὰν μὲν ἄνδρεσ ὦσιν, οὐκ ἀπορήσουσι συμμάχων, ἐὰν δ’ ἀνδρόγυνοι, κυρίων.

καὶ πολλὰ δή τινα πρὸσ ταύτην τὴν ὑπόθεσιν ἐμπορεύων καὶ μεθοδευόμενοσ ἐκίνει καὶ παρώξυνε τοὺσ ὄχλουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 38, chapter 12

(폴리비오스, Histories, book 38, chapter 12)

상위

목록

SEARCH

MENU NAVIGATION