헬라어 문장 검색 - ΠολψβίΗιστορί38́008́

(폴리비오스, Histories, book 38, chapter 8)

τοῦ δὲ Γολόσσου μεταδόντοσ τῷ στρατηγῷ περὶ τῶν εἰρημένων, γελάσασ ὁ Πόπλιοσ "Ταῦτα μέλλων ἀξιοῦν" ἔφη "τοιαύτην καὶ τηλικαύτην ἀσέβειαν εἰσ τοὺσ αἰχμαλώτουσ ἡμῶν ἐναπεδείξω καὶ νῦν ἐπὶ τοῖσ θεοῖσ τὰσ ἐλπίδασ ἔχεισ, παραβεβηκὼσ καὶ τοὺσ τῶν ἀνθρώπων νόμουσ; " τοῦ δὲ βασιλέωσ βουλομένου τι προσυπομιμνήσκειν τὸν Σκιπίωνα, καὶ μάλιστα διότι δεῖ συντέλειαν ἐπιτίθεσθαι τοῖσ πράγμασι·

χωρὶσ γὰρ τῶν ἀδήλων καὶ τὴν κατάστασιν τῶν ὑπάτων ἤδη συνεγγίζειν, ἧσ δεῖν ἔφη στοχάζεσθαι, μὴ τοῦ χειμῶνοσ προκαταλαβόντοσ ἐπελθὼν ἕτεροσ ἀκονιτὶ λάβῃ τὴν ἐπιγραφὴν τῶν ἐκείνου πόνων·

καὶ δὴ τούτων λεγομένων ἐπιστήσασ ὁ στρατηγὸσ ἐκέλευσεν ἀναγγέλλειν διότι δίδωσι τὴν ἀσφάλειαν αὐτῷ καὶ γυναικὶ καὶ τέκνοισ καὶ δέκα τῶν συγγενῶν καὶ φίλων οἰκίαισ, σὺν δὲ τούτοισ δέκα τάλαντα λαβεῖν ἐκ τῶν ἰδίων ὑπαρχόντων καὶ τῶν οἰκετῶν ἐξαγαγεῖν ἑκατὸν οὓσ ἂν αἱρῆται.

ταῦτα μὲν οὖν ὁ Γολόσσησ ἔχων τὰ φιλάνθρωπα συνῄει πρὸσ τὸν Ἀσδρούβαν τῇ τρίτῃ τῶν ἡμερῶν·

ὁ δὲ πάλιν ἐξεπορεύετο μετὰ μεγάλησ ἀξίασ ἐν τῇ πορφυρίδι καὶ τῇ πανοπλίᾳ βάδην, ὥστε τοὺσ ἐν ταῖσ τραγῳδίαισ τυράννουσ πολύ τι προσοφείλειν.

ἦν μὲν οὖν καὶ φύσει σάρκινοσ, τότε δὲ καὶ κοιλίαν εἰλήφει καὶ τῷ χρώματι παρὰ φύσιν ἐπικεκαυμένοσ ἦν, ὥστε δοκεῖν ἐν πανηγύρει που διαιτᾶσθαι παραπλησίωσ τοῖσ σιτευτοῖσ βουσίν, ἀλλὰ μὴ τηλικούτων καὶ τοιούτων κακῶν προστατεῖν, ὧν οὐδ’ ἂν ἐφίκοιτο τῷ λόγῳ διεξιὼν οὐδείσ.

οὐ μὴν ἀλλ’ ἐπεὶ συνῆλθε τῷ βασιλεῖ καὶ διήκουσε τῶν ὑπὸ τοῦ στρατηγοῦ προτεινομένων, πολλάκισ τὸν μηρὸν πατάξασ, τοὺσ θεοὺσ καὶ τὴν τύχην ἐπικαλεσάμενοσ, οὐδέποτε ταύτην ἔσεσθαι τὴν ἡμέραν ἔφασκεν ἐν ᾗ συμβήσεται τὸν ἥλιον Ἀσδρούβαν βλέπειν ἅμα καὶ τὴν πατρίδα πυρπολουμένην·

καλὸν γὰρ ἐντάφιον εἶναι τοῖσ εὖ φρονοῦσι τὴν πατρίδα καὶ τὸ ταύτησ πῦρ.

ὥσθ’ ὅτε μὲν εἰσ τὰσ ἀποφάσεισ αὐτοῦ τισ βλέψειε, θαυμάζειν τὸν ἄνδρα καὶ τὸ μεγαλόψυχον τῶν λόγων, ὅτε δ’ εἰσ τὸν χειρισμὸν τῶν πραγμάτων, τὴν ἀγεννίαν καταπλήττεσθαι καὶ τὴν ἀνανδρίαν·

ὃσ πρῶτον μέν, τῶν ἄλλων πολιτῶν διαφθειρομένων ὁλοσχερῶσ ὑπὸ τοῦ λιμοῦ, πότουσ αὐτὸσ συνῆγε καὶ δευτέρασ τραπέζασ παρετίθετο πολυτελεῖσ καὶ διὰ τῆσ ἰδίασ εὐεξίασ παρεδειγμάτιζε τὴν ἐκείνων ἀτυχίαν·

ἄπιστον δὲ τὸ τῶν αὐτομολούντων καθ’ ἡμέραν διὰ τὸν λιμόν·

ἔπειτα τοὺσ μὲν διαχλευάζων, οἷσ δ’ ἐνυβρίζων καὶ φονεύων κατεπλήττετο τοὺσ πολλοὺσ καὶ τούτῳ τῷ τρόπῳ συνεῖχε τὴν ἐξουσίαν, ᾗ μόλισ ἂν χρήσαιτο τύραννοσ ἐν εὐτυχούσῃ πόλει, καὶ ἐν δεδυστυχηκυίᾳ πατρίδι.

διὸ καὶ λίαν δοκῶ καλῶσ ἡμῖν εἰρῆσθαι διότι προστάτασ πραγμάτων ὁμοιοτέρουσ τῶν παρὰ τοῖσ Ἕλλησι τότε καὶ παρὰ τοῖσ Καρχηδονίοισ ὑπαρξάντων οὐκ ἂν εὑρ́οι τισ ῥᾳδίωσ.

τοῦτο δ’ ἔσται δῆλον, ὅταν ἐκ παραθέσεωσ τὸν ὑπὲρ ἐκείνων ποιησώμεθα λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 38, chapter 8

(폴리비오스, Histories, book 38, chapter 8)

상위

목록

SEARCH

MENU NAVIGATION