헬라어 문장 검색 - ΠολψβίΗιστορί23́009́

(폴리비오스, Histories, book 23, b. olymp. 149, 2. i. res italiae)

Ὅτι κατὰ τὸ δεύτερον ἔτοσ ἡ σύγκλητοσ, παραγενομένων πρέσβεων παρ’ Εὐμένουσ καὶ Φαρνάκου καὶ Φιλίππου καὶ παρὰ τοῦ τῶν Ἀχαιῶν ἔθνουσ, ἔτι δὲ παρὰ τῶν ἐκ τῆσ Λακεδαίμονοσ ἐκπεπτωκότων καὶ παρὰ τῶν κατεχόντων τὴν πόλιν, ἐχρημάτισε τούτοισ. ἧκον δὲ καὶ Ῥόδιοι πρεσβεύοντεσ ὑπὲρ τῆσ Σινωπέων ἀτυχίασ.

τούτοισ μὲν οὖν καὶ τοῖσ παρ’ Εὐμένουσ καὶ Φαρνάκου πρεσβεύουσιν ἡ σύγκλητοσ ἀπεκρίθη διότι πέμψει πρεσβευτὰσ τοὺσ ἐπισκεψομένουσ περί τε Σινωπέων καὶ περὶ τῶν τοῖσ βασιλεῦσιν ἀμφισβητουμένων.

ἀλλ’ εἰσκαλεσαμένη καὶ τοὺσ ἀπὸ Πελοποννήσου καὶ Μακεδονίασ πρεσβεύοντασ διήκουσε μὲν τῶν λόγων, τάσ γε μὴν ἀποκρίσεισ ἔδωκε καὶ τὴν διάληψιν ἐποιήσατο τῶν πραγμάτων οὐ πρὸσ τοὺσ τῶν πρεσβευτῶν λόγουσ, ἀλλὰ πρὸσ τὴν ἀποπρεσβείαν ἁρμοσαμένη τοῦ Μαρκίου.

ὃσ ὑπὲρ μὲν τοῦ Φιλίππου τοῦ βασιλέωσ ἀπηγγέλκει διότι πεποίηκε μὲν τὰ προσταττόμενα, πεποίηκε δὲ τὰ πάντα βαρυνόμενοσ, καὶ καθότι λαβὼν καιρὸν πᾶν τι ποιήσει κατὰ Ῥωμαίων.

διὸ καὶ τοῖσ μὲν παρὰ τοῦ Φιλίππου πρεσβευταῖσ τοιαύτην ἔδωκε τὴν ἀπόκρισιν, δι’ ἧσ ἐπὶ μὲν τοῖσ γεγονόσιν ἐπῄνει τὸν Φίλιππον, εἰσ δὲ τὸ λοιπὸν ᾤετο δεῖν προσέχειν αὐτὸν ἵνα μηδὲν ὑπεναντίον φαίνηται πράττων Ῥωμαίοισ.

ἐὰν παρακούσωσι μόνον αὐτῶν κατὰ τὸ παρὸν καὶ βραχεῖαν ἔμφασιν ποιήσωσιν δυσαρεστήσεωσ, ταχέωσ ἡ Λακεδαίμων τῇ Μεσσήνῃ συμφρονήσει.

τούτου δὲ γενομένου μετὰ μεγάλησ χάριτοσ ἥξειν τοὺσ Ἀχαιοὺσ ἔφη καταπεφευγότασ ἐπὶ Ῥωμαίουσ.

διότι τοῖσ μὲν ἐκ τῆσ Λακεδαίμονοσ ἀπεκρίθησαν τοῖσ περὶ Σήριππον, βουλόμενοι μετέωρον ἐᾶσαι τὴν πόλιν, διότι πάντα πεποιήκασιν αὐτοῖσ τὰ δυνατά, κατὰ δὲ τὸ παρὸν οὐ νομίζουσιν εἶναι τοῦτο τὸ πρᾶγμα πρὸσ αὑτούσ.

ἀπεκρίθησαν δὲ διότι οὐδ’ ἂν ὁ Λακεδαιμονίων ἢ Κορινθίων ἢ τῶν Ἀργείων ἀφίστηται δῆμοσ, οὐ δεήσει τοὺσ Ἀχαιοὺσ θαυμάζειν ἐὰν μὴ πρὸσ αὐτοὺσ ἡγῶνται.

ταύτην δὲ τὴν ἀπόκρισιν ἐκθέμενοι, κηρύγματοσ ἔχουσαν διάθεσιν τοῖσ βουλομένοισ ἕνεκεν Ῥωμαίων ἀφίστασθαι τῆσ τῶν Ἀχαιῶν πολιτείασ, λοιπὸν τοὺσ πρεσβευτὰσ παρακατεῖχον, καραδοκοῦντεσ τὰ κατὰ τὴν Μεσσήνην, πῶσ προχωρήσει τοῖσ Ἀχαιοῖσ.

καὶ τὰ μὲν κατὰ τὴν Ἰταλίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 23, b. olymp. 149, 2. i. res italiae

(폴리비오스, Histories, book 23, b. olymp. 149, 2. i. res italiae)

상위

목록

SEARCH

MENU NAVIGATION