헬라어 문장 검색 - ΠολψβίΗιστορί23́003́

(폴리비오스, Histories, book 23, chapter 3)

Μετὰ δὲ τούτουσ εἰσῆλθον οἱ παρ’ Εὐμένουσ πρέσβεισ καὶ περί τε τῆσ βοηθείασ τῆσ ἀποσταλείσησ ὑπὸ τοῦ Φιλίππου τῷ Προυσίᾳ κατηγόρησαν καὶ περὶ τῶν ἐπὶ Θρᾴκησ τόπων, φάσκοντεσ οὐδ’ ἔτι καὶ νῦν αὐτὸν ἐξαγηοχέναι τὰσ φρουρὰσ ἐκ τῶν πόλεων. βραχύν τινα χρόνον ἡ σύγκλητοσ ἐπιδεξαμένη τοὺσ λόγουσ ἔδωκεν ἀπόκρισιν διότι, τῶν ἐπὶ Θρᾴκησ τόπων ἐὰν μὴ καταλάβωσιν οἱ πρεσβευταὶ πάντα διῳκημένα κατὰ τὴν τῆσ συγκλήτου γνώμην καὶ πάσασ τὰσ πόλεισ εἰσ τὴν Εὐμένουσ πίστιν ἐγκεχειρισμένασ, οὐκέτι δυνήσεται φέρειν οὐδὲ καρτερεῖν παρακουομένη περὶ τούτων.

Καὶ τῆσ μὲν Φιλίππου καὶ Ῥωμαίων παρατριβῆσ ἐπὶ πολὺ προβαινούσησ ἐπίστασισ ἐγενήθη κατὰ τὸ παρὸν διὰ τὴν τοῦ Δημητρίου παρουσίαν·

πρὸσ μέντοι γε τὴν καθόλου τῆσ οἰκίασ ἀτυχίαν οὐ μικρὰ συνέβη τὴν εἰσ τὴν Ῥώμην τοῦ νεανίσκου πρεσβείαν συμβαλέσθαι.

ἥ τε γὰρ σύγκλητοσ ἀπερεισαμένη τὴν χάριν ἐπὶ τὸν Δημήτριον ἐμετεώρισε μὲν τὸ μειράκιον, ἐλύπησε δὲ καὶ τὸν Περσέα καὶ τὸν Φίλιππον ἰσχυρῶσ τῷ δοκεῖν μὴ δι’ αὐτούσ, ἀλλὰ διὰ Δημήτριον τυγχάνειν τῆσ παρὰ Ῥωμαίων φιλανθρωπίασ.

ὅ τε Τίτοσ ἐκκαλεσάμενοσ τὸ μειράκιον καὶ προβιβάσασ εἰσ λόγουσ ἀπορρήτουσ, οὐκ ὀλίγα συνεβάλετο πρὸσ τὴν αὐτὴν ὑπόθεσιν.

τόν τε γὰρ νεανίσκον ἐψυχαγώγησεν, ὡσ αὐτίκα μάλα συγκατασκευασόντων αὐτῷ Ῥωμαίων τὴν βασιλείαν, τούσ τε περὶ τὸν Φίλιππον ἠρέθισε, γράψασ ἐξ αὐτῆσ τὸν Δημήτριον ἀποστέλλειν πάλιν εἰσ τὴν Ῥώμην μετὰ τῶν φίλων ὡσ πλείστων καὶ χρησιμωτάτων.

ταύταισ γὰρ ταῖσ ἀφορμαῖσ χρησάμενοσ ὁ Περσεὺσ μετ’ ὀλίγον ἔπεισε τὸν πατέρα συγκαταθέσθαι τῷ Δημητρίου θανάτῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 23, chapter 3

(폴리비오스, Histories, book 23, chapter 3)

상위

목록

SEARCH

MENU NAVIGATION