헬라어 문장 검색 - ΠολψβίΗιστορί23́002́

(폴리비오스, Histories, book 23, chapter 2)

αὐτὸν Δημήτριον παρέλυσε τῆσ δικαιολογίασ, ἤρετο δὲ τὸν νεανίσκον καὶ τοὺσ σὺν αὐτῷ φίλουσ εἴ τινα περὶ τούτων ὑπομνηματισμὸν ἔχουσι παρὰ τοῦ βασιλέωσ. τοῦ δὲ Δημητρίου φήσαντοσ ἔχειν καὶ προτείναντόσ τι βυβλίδιον οὐ μέγα, λέγειν αὐτὸν ἐκέλευσεν ἥνπερ τὰ ὑπομνήματα περιεῖχε πρὸσ ἕκαστον τῶν κατηγορουμένων ἀπόφασιν κεφαλαιώδη.

ὁ δὲ τὸ μὲν πεποιηκέναι τὸ προσταχθὲν ὑπὸ Ῥωμαίων ἔφασκεν, ἢ τὴν αἰτίαν τοῦ μὴ πεπρᾶχθαι τοῖσ ἐγκαλοῦσιν ἀνετίθει.

προσέκειτο δὲ πρὸσ ταῖσ πλείσταισ ἀποφάσεσι "καίτοι οὐκ ἴσωσ χρησαμένων ἡμῖν τῶν πρεσβευτῶν τῶν περὶ Καικίλιον ἐν τούτοισ" καὶ πάλιν "καίτοι γε οὐ δικαίωσ ἡμῶν ταῦτα πασχόντων".

τοιαύτησ δ’ οὔσησ τῆσ Φιλίππου γνώμησ ἐν πάσαισ ταῖσ ἀποφάσεσι, διακούσασα τῶν παραγεγονότων ἡ σύγκλητοσ μίαν ἐποιήσατο περὶ πάντων διάληψιν.

ἀποδεξαμένη γὰρ τὸν Δημήτριον μεγαλομερῶσ καὶ φιλανθρώπωσ διὰ τοῦ στρατηγοῦ, πολλοὺσ καὶ παρακλητικοὺσ πρὸσ αὐτὸν διαθεμένη λόγουσ, ἀπόκρισιν ἔδωκε διότι περὶ πάντων καὶ τῶν εἰρημένων ὑπ’ αὐτοῦ καὶ τῶν ἀνεγνωσμένων Δημητρίῳ πιστεύει διότι τὰ μὲν γέγονε, τὰ δ’ ἔσται, καθάπερ δίκαιόν ἐστι γίνεσθαι.

ἵνα δὲ καὶ Φίλιπποσ εἰδῇ διότι τὴν χάριν ταύτην ἡ σύγκλητοσ Δημητρίῳ δίδωσιν, ἐξαποστελεῖν ἔφη πρεσβευτὰσ ἐποψομένουσ εἰ γίνεται πάντα κατὰ τὴν τῆσ συγκλήτου βούλησιν, ἅμα δὲ διασαφήσοντασ τῷ βασιλεῖ διότι τῆσ συμπεριφορᾶσ τυγχάνει ταύτησ διὰ Δημήτριον.

καὶ ταῦτα μὲν τοιαύτησ ἔτυχε διεξαγωγῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 23, chapter 2

(폴리비오스, Histories, book 23, chapter 2)

상위

목록

SEARCH

MENU NAVIGATION