헬라어 문장 검색 - ΠολψβίΗιστορί23́001́

(폴리비오스, Histories, book 23, a. olymp. 149, 1. i. res italiae)

Ὅτι κατὰ τὴν ἐνάτην καὶ τετταρακοστὴν ὀλυμπιάδα πρὸσ ταῖσ ἑκατὸν εἰσ τὴν Ῥώμην ἡθροίσθησαν πρεσβειῶν πλῆθοσ ἀπὸ τῆσ Ἑλλάδοσ, ὅσον οὐ ταχέωσ πρότερον. ἅπαντεσ οἱ παρακείμενοι τῇ Μακεδονίᾳ παρῆσαν, οἱ μὲν κατ’ ἰδίαν, οἱ δὲ κατὰ πόλιν, οἱ δὲ κατὰ τὰσ ἐθνικὰσ συστάσεισ, ἐγκαλοῦντεσ τῷ Φιλίππῳ.

σὺν δὲ τούτοισ οἱ παρ’ Εὐμένουσ ἧκον ἅμ’ Ἀθηναίῳ τῷ τοῦ βασιλέωσ ἀδελφῷ, κατηγορήσοντεσ αὐτοῦ περί τε τῶν ἐπὶ Θρᾴκησ πόλεων καὶ περὶ τῆσ ἀποσταλείσησ Προυσίᾳ βοηθείασ.

ἧκε δὲ καὶ Δημήτριοσ ὁ τοῦ Φιλίππου πρὸσ πάντασ τούτουσ ἀπολογησόμενοσ, ἔχων Ἀπελλῆν καὶ Φιλοκλῆ μεθ’ αὑτοῦ, τοὺσ τότε δοκοῦντασ εἶναι πρώτουσ φίλουσ τοῦ βασιλέωσ.

παρῆσαν δὲ καὶ παρὰ Λακεδαιμονίων πρέσβεισ, ἀφ’ ἑκάστου γένουσ τῶν ἐν τῇ πόλει.

πρῶτον μὲν οὖν ἡ σύγκλητοσ εἰσεκαλέσατο τὸν Ἀθήναιον καὶ δεξαμένη τὸν στέφανον, ὃν ἐκόμιζεν ἀπὸ μυρίων καὶ πεντακισχιλίων χρυσῶν, ἐπῄνεσέ τε μεγαλομερῶσ τὸν Εὐμένη καὶ τοὺσ ἀδελφοὺσ διὰ τῆσ ἀποκρίσεωσ καὶ παρεκάλεσε μένειν ἐπὶ τῆσ αὐτῆσ αἱρέσεωσ.

ἐπὶ δὲ τούτῳ τὸν Δημήτριον εἰσαγαγόντεσ οἱ στρατηγοὶ παρεκαλέσαντο τοὺσ κατηγοροῦντασ τοῦ Φιλίππου πάντασ καὶ παρῆγον κατὰ μίαν πρεσβείαν.

οὐσῶν δὲ τῶν πρεσβειῶν πολλῶν, καὶ τῆσ εἰσόδου τούτων γενομένησ ἐπὶ τρεῖσ ἡμέρασ, εἰσ ἀπορίαν ἐνέπιπτεν ἡ σύγκλητοσ περὶ τοῦ πῶσ δεῖ χειρισθῆναι τὰ κατὰ μέροσ.

παρά τε γὰρ Θετταλῶν καὶ κατὰ κοινὸν ἧκον καὶ κατ’ ἰδίαν ἀφ’ ἑκάστησ πόλεωσ πρεσβευταί, παρά τε Περραιβῶν, ὁμοίωσ δὲ καὶ παρ’ Ἀθαμάνων καὶ παρ’ Ἠπειρωτῶν καὶ παρ’ Ἰλλυριῶν·

τινὲσ μὲν οὐ φάσκοντεσ δύνασθαι τυχεῖν τοῦ δικαίου κατὰ τὸ σύμβολον διὰ τὸ τὸν Φίλιππον ἐκκόπτειν τὴν δικαιοδοσίαν, τινὲσ δ’ ἐγκαλοῦντεσ τοῖσ κρίμασιν ὡσ παραβεβραβευμένοι, διαφθείραντοσ τοῦ Φιλίππου τοὺσ δικαστάσ.

καθόλου δὲ ποικίλη τισ ἦν ἀκρισία καὶ δυσχώρητοσ ἐκ τῶν κατηγορουμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 23, a. olymp. 149, 1. i. res italiae

(폴리비오스, Histories, book 23, a. olymp. 149, 1. i. res italiae)

상위

목록

SEARCH

MENU NAVIGATION