헬라어 문장 검색 - ΠολψβίΗιστορί09́043́

(폴리비오스, Histories, book 9, chapter 41)

Προθέμενοσ δὲ τῆσ πόλεωσ κατὰ δύο πύργουσ ποιεῖσθαι τὴν προσαγωγὴν κατὰ μὲν τούτουσ χελώνασ κατεσκεύαζε χωστρίδασ καὶ κριούσ, κατὰ δὲ τὸ μεσοπύργιον στοὰν ἐποίει μεταξὺ τῶν κριῶν παράλληλον τῷ τείχει. τῆσ δὲ προθέσεωσ συντελουμένησ παραπλήσιοσ ἡ τῶν ἔργων ἐγίνετο πρόσοψισ τῇ τοῦ τείχουσ διαθέσει·

τὰ μὲν γὰρ ἐπὶ ταῖσ χελώναισ κατασκευάσματα πύργων ἐλάμβανε καὶ φαντασίαν καὶ διάθεσιν ἐκ τῆσ τῶν γέρρων συνθέσεωσ, τὸ δὲ μεταξὺ τούτων τείχουσ, τῶν ἀνωτέρω γέρρων τῆσ στοᾶσ εἰσ ἐπάλξεισ τῇ πλοκῇ διῃρημένων.

διὰ μὲν οὖν τοῦ κάτω μέρουσ τῶν πύργων οἵ τε προσχωννύντεσ τὰσ ἀνωμαλίασ τῶν τόπων ἐπὶ τῇ τῶν ἐσχαρίων ἐφόδῳ τὴν γῆν ἐπέβαλλον ὅ τε κριὸσ ἐξωθεῖτο.

τὸ δὲ δεύτερον ὑδρίασ καὶ τὰσ πρὸσ τοὺσ ἐμπυρισμοὺσ εἶχε παρασκευὰσ καὶ τὰ καταπελτικὰ σὺν τούτοισ.

ἐπὶ δὲ τοῦ τρίτου πλῆθοσ ἀνδρῶν ἐφειστήκει τῶν ἀπομαχομένων πρὸσ τοὺσ κακοποιεῖν ἐπιβαλλομένουσ τὸν κριόν.

οὗτοι δ’ ἦσαν ἰσοϋψεῖσ τοῖσ τῆσ πόλεωσ πύργοισ. ἐκ δὲ τῆσ μεταξὺ τῶν πύργων στοᾶσ ὀρύγματα διπλᾶ προσήγετο πρὸσ τὸ μεσοπύργιον.

καὶ τρεῖσ ἦσαν βελοστάσεισ λιθοβόλοισ, ὧν ὁ μὲν εἷσ ταλαντιαίουσ, οἱ δὲ δύο τριακονταμναίουσ ἐξέβαλλον λίθουσ.

ἀπὸ δὲ τῆσ παρεμβολῆσ ὡσ πρὸσ τὰσ χελώνασ τὰσ χωστρίδασ ἐπεποίηντο σύριγγεσ κατάστεγοι χάριν τοῦ μήτε τοὺσ προσιόντασ ἐκ τῆσ στρατοπεδείασ μήτε τοὺσ ἀπιόντασ ἀπὸ τῶν ἔργων βλάπτεσθαι μηδὲν ὑπὸ τῶν ἐκ τῆσ πόλεωσ βελῶν.

ἐν ὀλίγαισ δὲ τελέωσ ἡμέραισ συνέβη καὶ τὴν τῶν ἔργων ἐπιτελεσθῆναι συντέλειαν διὰ τὸ τὴν χώραν ἀφθόνουσ ἔχειν τὰσ εἰσ τοῦτο τὸ μέροσ χορηγίασ.

οἱ γὰρ Ἐχιναιεῖσ κεῖνται μὲν ἐν τῷ Μηλιεῖ κόλπῳ, τετραμμένοι πρὸσ μεσημβρίαν, καταντίπεραν τῆσ τῶν Θρονιέων χώρασ, καρποῦνται δὲ γῆν πάμφορον.

δι’ ἣν αἰτίαν οὐδὲν ἐνέλειπε τὸν Φίλιππον τῶν πρὸσ τὰσ ἐπιβολάσ. οὐ μὴν ἀλλά, καθάπερ εἶπον, ἐπιτελεσθέντων τῶν ἔργων προσῆγον ἅμα τὰσ τῶν ὀρυγμάτων καὶ μηχανημάτων κατασκευάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 41

(폴리비오스, Histories, book 9, chapter 41)

상위

목록

SEARCH

MENU NAVIGATION