헬라어 문장 검색 - ΠολψβίΗιστορί09́018́

(폴리비오스, Histories, book 9, chapter 17)

τοὺσ δὲ λοιποὺσ προσενεγκεῖν τὰσ χεῖρασ τοῖσ ἄρχουσι, κοιμωμένοισ κατὰ μέσον ἡμέρασ, τοῖσ εἰθισμένοισ τηρεῖν τὴν πύλην. γενομένου δὲ τούτου σπουδῇ καταταχεῖν τοὺσ Ἀχαιοὺσ ἐκ τῆσ ἐνέδρασ ἔδει πρὸσ τὴν πύλην.

τούτων δὲ διατεταγμένων καὶ τοῦ καιροῦ συνάψαντοσ, ὁ μὲν Ἄρατοσ ἧκε καὶ κρυφθεὶσ κατὰ τὸν ποταμὸν ἔμενε τηρῶν τὸ σύνθημα·

περὶ δὲ πέμπτην ὡρ́αν ἔχων τισ πρόβατα μαλακὰ τῶν εἰθισμένων περὶ πόλιν τρέφειν, δεηθεὶσ ἐκ τοῦ καιροῦ πυθέσθαι τι τοῦ ποιμένοσ βιωτικόν, ἐξῆλθε διὰ τῆσ πύλησ ἐν ἱματίῳ καὶ στὰσ ἐπὶ τὸν αὐτὸν τάφον περιεβλέπετο τὸν ποιμένα.

οἱ δὲ περὶ τὸν Ἄρατον ἀποδεδόσθαι σφίσι τὸ σύνθημα νομίσαντεσ σπουδῇ πρὸσ τὴν πόλιν ἐφέροντο πάντεσ.

ταχὺ δὲ τῆσ πύλησ κλεισθείσησ ὑπὸ τῶν ἐφεστώτων διὰ τὸ μηδέπω μηδὲν ὑπὸ τῶν ἔνδον ἡτοιμάσθαι, συνέβη μὴ μόνον τῆσ πράξεωσ ἀποτυχεῖν τοὺσ περὶ τὸν Ἄρατον, ἀλλὰ καὶ τοῖσ ἐκ τῆσ πόλεωσ συμπράττουσιν αἰτίουσ γενέσθαι τῶν μεγίστων συμπτωμάτων·

καταφανεῖσ γὰρ γενόμενοι παραχρῆμα προβληθέντεσ ἀπέθανον. τί οὖν εἴποι τισ ἂν τῆσ περιπετείασ αἴτιον γεγονέναι;

τὸ ποιήσασθαι τὸν στρατηγὸν ἁπλοῦν τὸ σύνθημα, νέον ἀκμὴν ὄντα καὶ τῆσ τῶν διπλῶν συνθημάτων καὶ παρασυνθημάτων ἀκριβείασ ἄπειρον. οὕτωσ αἱ πολεμικαὶ πράξεισ ἐν μικρῷ τὸ διαφέρον ἔχουσι τῆσ ἐφ’ ἑκάτερα ῥοπῆσ τῶν ἐκβαινόντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 17

(폴리비오스, Histories, book 9, chapter 17)

상위

목록

SEARCH

MENU NAVIGATION