헬라어 문장 검색 - ΠολψβίΗιστορί09́040́

(폴리비오스, Histories, book 9, chapter 38)

Ἅπαντασ μὲν οὖν δεῖ τοὺσ Ἕλληνασ προϊδέσθαι τὸν ἐπιφερόμενον καιρόν, μάλιστα δὲ Λακεδαιμονίουσ. ἐπεὶ τίνοσ χάριν ὑπολαμβάνετε τοὺσ ὑμετέρουσ προγόνουσ, ἄνδρεσ Λακεδαιμόνιοι, καθ’ οὓσ καιροὺσ ὁ Ξέρξησ ἀπέστειλε πρεσβευτὴν πρὸσ ὑμᾶσ, ὕδωρ καὶ γῆν αἰτούμενοσ, ἀπώσαντασ εἰσ τὸ φρέαρ τὸν παραγεγονότα καὶ προσεπιβαλόντασ τῆσ γῆσ κελεύειν ἀπαγγεῖλαι τῷ Ξέρξῃ διότι παρὰ Λακεδαιμονίων ἔχει τὰ κατὰ τὴν ἐπαγγελίαν, ὕδωρ καὶ γῆν;

τίνοσ πάλιν ἐθελοντὴν καὶ προδήλωσ ἐξορμᾶν ἀποθανουμένουσ τοὺσ περὶ Λεωνίδην;

ἆρ’ οὐχ ἵνα δόξωσι μὴ μόνον ὑπὲρ τῆσ αὑτῶν, ἀλλὰ καὶ περὶ τῆσ τῶν ἄλλων Ἑλλήνων ἐλευθερίασ προκινδυνεύειν;

ἄξιόν γε τοιούτων ἀνδρῶν ἀπογόνουσ ὑπάρχοντασ, κἄπειτα νῦν συμμαχίαν ποιησαμένουσ τοῖσ βαρβάροισ, στρατεύειν μετ’ ἐκείνων καὶ πολεμεῖν Ἠπειρώταισ, Ἀχαιοῖσ, Ἀκαρνᾶσι, Βοιωτοῖσ, Θετταλοῖσ σχεδὸν πᾶσι τοῖσ Ἕλλησι πλὴν Αἰτωλῶν.

τούτοισ μὲν οὖν ἔθοσ ἐστὶ ταῦτα πράττειν καὶ μηδὲν αἰσχρὸν νομίζειν, εἰ μόνον πρόσεστι τὸ πλεονεκτεῖν, οὐ μὴν ὑμῖν.

καὶ τί δήποτε προσδοκᾶν δεῖ τούτουσ ἀπεργασομένουσ, ἐπεὶ τὴν Ῥωμαίων προσειλήφασι συμμαχίαν;

οἵ γε τῆσ Ἰλλυριῶν ἐπιλαβόμενοι ῥοπῆσ καὶ βοηθείασ κατὰ μὲν θάλατταν βιάζεσθαι καὶ παρασπονδεῖν ἐπεβάλοντο Πύλον, κατὰ δὲ γῆν ἐπολιόρκησαν μὲν τὴν Κλειτορίων πόλιν, ἐξηνδραποδίσαντο δὲ τὴν Κυναιθέων.

καὶ πρότερον μὲν Ἀντιγόνῳ, καθάπερ ἐπάνω προεῖπον, ἐποιήσαντο συνθήκασ οὗτοι περί τε τοῦ τῶν Ἀχαιῶν καὶ τοῦ τῶν Ἀκαρνάνων ἔθνουσ, νῦν δὲ πεποίηνται πρὸσ Ῥωμαίουσ κατὰ πάσησ τῆσ Ἑλλάδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 9, chapter 38

(폴리비오스, Histories, book 9, chapter 38)

상위

목록

SEARCH

MENU NAVIGATION