헬라어 문장 검색 - ΠολψβίΗιστορί09́039́

(폴리비오스, Histories, book 9, chapter 37)

Οὐ μὴν ἀλλ’ εἰρήσθω μέν μοι ταῦτα, κρινέσθω δὲ παρὰ τοῖσ φιλοτιμότερον διακειμένοισ ἐκτὸσ εἶναι τῶν ἐνεστώτων. ἐπὶ δὲ τὸ συνέχον, ὡσ οὗτοί φασιν, ἐπάνιμεν. τοῦτο δ’ ἦν, εἰ μὲν ὡμοίωται τὰ πράγματα νῦν καὶ καθ’ οὓσ καιροὺσ ἐποιεῖσθε τὴν πρὸσ τούτουσ συμμαχίαν, διότι δεῖ μένειν καὶ τὴν ὑμετέραν αἱρ́εσιν ἐπὶ τῶν ὑποκειμένων·

ταῦτα γὰρ ἐν ἀρχαῖσ εἶναι· εἰ δ’ ὁλοσχερῶσ ἠλλοίωται, διότι δίκαιόν ἐστι καὶ νῦν ὑμᾶσ ἐξ ἀκεραίου βουλεύεσθαι περὶ τῶν παρακελευομένων.

ἐρωτῶ τοιγαροῦν ὑμᾶσ, ὦ Κλεόνικε καὶ Χλαινέα, τίνασ ἔχοντεσ συμμάχουσ τότε παρεκαλεῖτε τούτουσ εἰσ τὴν κοινοπραγίαν;

ἆρ’ οὐ πάντασ Ἕλληνασ; τίσι δὲ νῦν κοινωνεῖτε τῶν ἐλπίδων, ἢ πρὸσ ποίαν παρακαλεῖτε τούτουσ συμμαχίαν;

ἆρ’ οὐ πρὸσ τὴν τῶν βαρβάρων;

ὅμοιά γε δοκεῖ τὰ πράγμαθ’ ὑμῖν ὑπάρχειν νῦν καὶ πρότερον, ἀλλ’ οὐ τἀναντία· τότε μὲν γὰρ ὑπὲρ ἡγεμονίασ καὶ δόξησ ἐφιλοτιμεῖσθε πρὸσ Ἀχαιοὺσ καὶ Μακεδόνασ ὁμοφύλουσ καὶ τὸν τούτων ἡγεμόνα Φίλιππον·

οὓσ ὑμεῖσ δοκεῖτε μὲν ἐπισπᾶσθαι κατὰ Φιλίππου, λελήθατε δὲ κατὰ σφῶν αὐτῶν ἐπεσπασμένοι καὶ κατὰ πάσησ Ἑλλάδοσ.

ὥσπερ γὰρ οἱ κατὰ τὰσ πολεμικὰσ περιστάσεισ βαρυτέρασ ἐπαγόμενοι φυλακὰσ εἰσ τὰσ πόλεισ τῆσ αὑτῶν δυνάμεωσ χάριν τῆσ ἀσφαλείασ ἅμα τὸν ἀπὸ τῶν ἐχθρῶν ἀπωθοῦνται φόβον καὶ ποιοῦσιν ὑποχειρίουσ σφᾶσ αὐτοὺσ ταῖσ τῶν φίλων ἐξουσίαισ, τὸν αὐτὸν τρόπον καὶ νῦν Αἰτωλοὶ διανοοῦνται.

βουλόμενοι γὰρ περιγενέσθαι Φιλίππου καὶ ταπεινῶσαι Μακεδόνασ, λελήθασιν αὑτοῖσ ἐπισπασάμενοι τηλικοῦτο νέφοσ ἀπὸ τῆσ ἑσπέρασ, ὃ κατὰ μὲν τὸ παρὸν ἴσωσ πρώτοισ ἐπισκοτήσει Μακεδόσι, κατὰ δὲ τὸ συνεχὲσ πᾶσιν ἔσται τοῖσ Ἕλλησι μεγάλων κακῶν αἴτιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 37

(폴리비오스, Histories, book 9, chapter 37)

상위

목록

SEARCH

MENU NAVIGATION