헬라어 문장 검색 - ΠολψβίΗιστορί09́038́

(폴리비오스, Histories, book 9, chapter 36)

Περὶ δὲ τῶν κατ’ Ἀντίγονον ἑώσ τούτου βούλομαι ποιήσασθαι τὴν μνήμην, [ἑώσ] τοῦ μὴ δόξαι καταφρονεῖν τῶν γεγονότων μηδ’ ἐν παρέργῳ τίθεσθαι τὴν τηλικαύτην πρᾶξιν. ἔγωγ’ εὐεργεσίαν μείζω τῆσ ὑπ’ Ἀντιγόνου γεγενημένησ εἰσ ὑμᾶσ οὐδ’ ἱστορεῖσθαι νομίζω·

δοκεῖ γὰρ ἔμοιγε μηδ’ ὑπερβολὴν ἐπιδέχεσθαι τὸ γεγονόσ. γνοίη δ’ ἄν τισ ἐκ τούτων.

ἐπολέμησε πρὸσ ὑμᾶσ Ἀντίγονοσ, καὶ μετὰ ταῦτα παραταξάμενοσ ἐνίκησε· διὰ τῶν ὅπλων ἐγένετο κύριοσ τῆσ χώρασ ἅμα καὶ τῆσ πόλεωσ. ὤφειλε ποιεῖν τὰ τοῦ πολέμου·

τοσοῦτον ἀπέσχε τοῦ πρᾶξαί τι καθ’ ὑμῶν δεινόν, ὡσ πρὸσ τοῖσ ἄλλοισ ἐκβαλὼν τὸν τύραννον καὶ τοὺσ νόμουσ καὶ τὸ πάτριον ὑμῖν ἀποκατέστησε πολίτευμα. ἀνθ’ ὧν ὑμεῖσ ἐν ταῖσ κοιναῖσ πανηγύρεσι μάρτυρασ ποιησάμενοι τοὺσ Ἕλληνασ εὐεργέτην ἑαυτῶν καὶ σωτῆρα τὸν Ἀντίγονον ἀνεκηρύξατε.

τί οὖν ἐχρῆν ποιεῖν ὑμᾶσ;

ἐρῶ γὰρ τὸ φαινόμενον, ἄνδρεσ. ὑμεῖσ δ’ ἀνέξεσθε· ποιήσω γὰρ τοῦτο νῦν οὐκ ἀπροσλόγωσ ὀνειδίσαι βουλόμενοσ ὑμῖν, ἀλλ’ ὑπὸ τῆσ τῶν πραγμάτων περιστάσεωσ ἀναγκαζόμενοσ ἐπὶ τῷ κοινῇ συμφέροντι. τί δὴ μέλλω λέγειν;

ὅτι καὶ κατὰ τὸν προγεγονότα πόλεμον οὐκ Αἰτωλοῖσ, ἀλλὰ Μακεδόσιν ἔδει συμμαχεῖν ὑμᾶσ, καὶ νῦν παρακαλουμένουσ Φιλίππῳ μᾶλλον ἢ τούτοισ ἑαυτοὺσ προσνέμειν. νὴ Δί’, ἀλλὰ παραβήσεσθε τὰσ συνθήκασ·

καὶ πότερα δεινότερον ἂν ποιήσαιτε, τὰ κατ’ ἰδίαν πρὸσ Αἰτωλοὺσ ὑμῖν συγκείμενα δίκαια παριδόντεσ ἢ τὰ πάντων τῶν Ἑλλήνων ἐναντίον ἐν στήλῃ γεγονότα καὶ καθιερωμένα;

πῶσ δὲ τούτουσ ἀθετεῖν εὐλαβεῖσθε, παρ’ ὧν οὐδεμίαν προειλήφατε χάριν, Φίλιππον δὲ καὶ Μακεδόνασ οὐκ ἐντρέπεσθε, δι’ οὓσ ἔχετε καὶ τοῦ νῦν βουλεύεσθαι τὴν ἐξουσίαν;

ἢ τὸ μὲν τοῖσ φίλοισ τὰ δίκαια ποιεῖν ἀναγκαῖον ἡγεῖσθε;

καὶ μὴν οὐχ οὕτωσ ὅσιόν ἐστι τὸ τὰσ ἐγγράπτουσ πίστεισ βεβαιοῦν, ὡσ ἀνόσιον τὸ τοῖσ σώσασι πολεμεῖν·

ὃ νῦν Αἰτωλοὶ πάρεισιν ὑμᾶσ ἀξιοῦντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 36

(폴리비오스, Histories, book 9, chapter 36)

상위

목록

SEARCH

MENU NAVIGATION