헬라어 문장 검색 - ΠολψβίΗιστορί09́035́

(폴리비오스, Histories, book 9, chapter 33)

μή, τούτων τὴν ἡσυχίαν ἔχειν κατὰ τὸ παρόν. ἐπεὶ δ’ ἀνέκαθεν οὗτοι κατηγορεῖν ἐτόλμησαν τῆσ Μακεδόνων οἰκίασ, ἀναγκαῖον εἶναί μοι δοκεῖ πρότερον ὑπὲρ τούτων βραχέα διαλεχθέντ’ ἀφελέσθαι τὴν ἄγνοιαν τῶν πεπιστευκότων τοῖσ εἰρημένοισ. Ἔφη τοιγαροῦν Χλαινέασ Φίλιππον τὸν Ἀμύντου διὰ τῆσ Ὀλυνθίων ἀτυχίασ κύριον γενέσθαι Θετταλίασ.

ἐγὼ δὲ διὰ Φίλιππον οὐ μόνον Θετταλούσ, ἀλλὰ καὶ τοὺσ λοιποὺσ Ἕλληνασ ὑπολαμβάνω σεσῶσθαι.

καθ’ οὓσ γὰρ καιροὺσ Ὀνόμαρχοσ καὶ Φιλόμηλοσ καταλαβόμενοι Δελφοὺσ ἀσεβῶσ καὶ παρανόμωσ ἐγένοντο κύριοι τῶν τοῦ θεοῦ χρημάτων, τότε τίσ ὑμῶν οὐκ οἶδε διότι τηλικαύτην συνεστήσαντο δύναμιν, πρὸσ ἣν οὐδεὶσ ἔτι τῶν Ἑλλήνων ἀντοφθαλμεῖν δυνατὸσ ἦν;

ἀλλ’ ἐκινδύνευον ἅμα ταῖσ εἰσ τὸ θεῖον ἀσεβείαισ καὶ τῆσ Ἑλλάδοσ γενέσθαι κύριοι πάσησ.

ἐν οἷσ καιροῖσ Φίλιπποσ ἐθελοντὴν αὑτὸν ἐπιδοὺσ ἐπανείλετο μὲν τοὺσ τυράννουσ, ἠσφαλίσατο δὲ τὰ κατὰ τὸ ἱερόν, αἴτιοσ δ’ ἐγένετο τοῖσ Ἕλλησι τῆσ ἐλευθερίασ, ὡσ αὐτὰ τὰ πράγματα μεμαρτύρηκε καὶ τοῖσ ἐπιγενομένοισ.

οὐ γὰρ ὡσ ἠδικηκότα Φίλιππον Θετταλούσ, καθάπερ οὗτοσ ἐτόλμα λέγειν, ἀλλ’ ὡσ εὐεργέτην ὄντα τῆσ Ἑλλάδοσ, καὶ κατὰ γῆν αὐτὸν ἡγεμόνα καὶ κατὰ θάλατταν εἵλοντο πάντεσ·

οὗ πρότερον ἀνθρώπων οὐδεὶσ ἔτυχε. νὴ Δί’, ἀλλὰ παρεγένετο μετὰ τῆσ δυνάμεωσ εἰσ τὴν Λακωνικήν·

οὐ κατά γε τὴν αὑτοῦ προαίρεσιν, ὡσ ὑμεῖσ ἴστε, καλούμενοσ δὲ καὶ πολλάκισ ὀνομαζόμενοσ ὑπὸ τῶν ἐν Πελοποννήσῳ φίλων καὶ συμμάχων μόλισ αὑτὸν ἐπέδωκε.

καὶ παραγενόμενοσ πῶσ τοῖσ πράγμασιν ἐχρήσατο, ὦ Χλαινέα, σκόπει.

ἐπὶ μὲν τὴν τοιαύτην αἱρ́εσιν οὐδαμῶσ αὑτὸν ἐνέδωκε, καταπληξάμενοσ δὲ κἀκείνουσ καὶ τούτουσ ἐπὶ τῷ κοινῇ συμφέροντι διὰ λόγου τὴν ἐξαγωγὴν ἀμφοτέρουσ ἠνάγκασε ποιήσασθαι περὶ τῶν ἀμφισβητουμένων, οὐχ αὑτὸν ἀποδείξασ κριτὴν ὑπὲρ τῶν ἀντιλεγομένων, ἀλλὰ κοινὸν ἐκ πάντων τῶν Ἑλλήνων καθίσασ κριτήριον.

ἄξιόν γε τὸ γεγονὸσ ὀνείδουσ καὶ προφορᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 33

(폴리비오스, Histories, book 9, chapter 33)

상위

목록

SEARCH

MENU NAVIGATION