헬라어 문장 검색 - ΠολψβίΗιστορί09́034́

(폴리비오스, Histories, book 9, chapter 32)

γον. 1Ἡμεῖσ, ἄνδρεσ Λακεδαιμόνιοι, παρεγενόμεθα μὲν ὑπὸ τοῦ κοινοῦ τῶν Ἀκαρνάνων ἀπεσταλμένοι πρὸσ ὑμᾶσ, μετέχοντεσ δὲ σχεδὸν ἀεί ποτε Μακεδόσι τῶν αὐτῶν ἐλπίδων καὶ τὴν πρεσβείαν ταύτην κοινὴν ὑπολαμβάνομεν ἡμῖν ὑπάρχειν καὶ Μακεδόσιν.

ὥσπερ δὲ καὶ κατὰ τοὺσ κινδύνουσ διὰ τὴν ὑπεροχὴν καὶ τὸ μέγεθοσ τῆσ Μακεδόνων δυνάμεωσ ἐμπεριέχεσθαι συμβαίνει τὴν ἡμετέραν ἀσφάλειαν ἐν ταῖσ ἐκείνων ἀρεταῖσ, οὕτωσ καὶ κατὰ τοὺσ πρεσβευτικοὺσ ἀγῶνασ ἐμπεριέχεται τὸ τῶν Ἀκαρνάνων συμφέρον ἐν τοῖσ Μακεδόνων δικαίοισ.

διόπερ οὐ δεῖ θαυμάζειν ὑμᾶσ, ἐὰν τὸν πλείω λόγον ὑπὲρ Φιλίππου ποιώμεθα καὶ Μακεδόνων.

Χλαινέασ τοιγαροῦν, καταστρέφων τὴν δημηγορίαν, ἀπότομόν τινα συγκεφαλαίωσιν ἐποιήσατο τῶν ὑπαρχόντων πρὸσ ὑμᾶσ δικαίων.

ἔφη γάρ, εἰ μὲν ἐπιγέγονέ τι μετὰ τὸ θέσθαι τὴν συμμαχίαν ὑμᾶσ τὴν πρὸσ τούτουσ ἤτοι βλαβερὸν καὶ δυσχερὲσ ὑπ’ Αἰτωλῶν ἢ καὶ νὴ Δία φιλάνθρωπον ὑπὸ Μακεδόνων, εἰκότωσ ἂν καὶ τὸ νῦν διαβούλιον ἐξ ἀκεραίου σκέψεωσ τυγχάνειν·

εἰ δὲ μηδενὸσ ἐπιγεγονότοσ τοιούτου τὰ κατ’ Ἀντίγονον προφερόμενοι τὰ πρότερον ὑφ’ ὑμῶν δεδοκιμασμένα πεπείσμεθα νῦν ἡμεῖσ ἀνασκευάσειν ὁρ́κουσ καὶ συνθήκασ, εὐηθεστάτουσ πάντων ἡμᾶσ ὑπάρχειν.

ἐγὼ δ’, εἰ μὲν μηδὲν ἐπιγέγονε κατὰ τὸν τούτου λόγον, μένει δὲ τὰ πράγματα τοιαῦτα τοῖσ Ἕλλησιν οἱᾶ πρότερον ἦν, ὅτε πρὸσ αὐτοὺσ Αἰτωλοὺσ ἐποιεῖσθε τὴν συμμαχίαν, ὁμολογῶ πάντων εὐηθέστατοσ ὑπάρχειν καὶ ματαίουσ μέλλειν διατίθεσθαι λόγουσ·

εἰ δὲ τὴν ἐναντίαν ἔσχηκε διάθεσιν, ὡσ ἐγὼ σαφῶσ δείξω προϊόντοσ τοῦ λόγου, καὶ λίαν ἐμὲ μὲν οἰόμαι φανήσεσθαί τι λέγειν ὑμῖν τῶν συμφερόντων, Χλαινέαν δ’ ἀγνοεῖν.

παραγινόμεθα μὲν οὖν ὑπὲρ αὐτοῦ τούτου πεπεισμένοι δεῖν ἡμᾶσ ποιεῖσθαι τοὺσ λόγουσ, ὑπὲρ τοῦ δεῖξαι διότι καὶ πρέπον ὑμῖν ἐστι καὶ συμφέρον, εἰ μὲν δυνατόν, ἀκούσαντασ τῆσ ἐπιφερομένησ τοῖσ Ἕλλησι περιστάσεωσ καλόν τι βουλεύσασθαι καὶ πρέπον ἑαυτοῖσ, μετασχόντασ ἡμῖν τῶν ἐλπίδων·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 32

(폴리비오스, Histories, book 9, chapter 32)

상위

목록

SEARCH

MENU NAVIGATION