헬라어 문장 검색 - ΠολψβίΗιστορί09́031́

(폴리비오스, Histories, book 9, chapter 29)

Καὶ μὴν περὶ τῶν διαδεξαμένων τούτου τὰ πράγματα πῶσ κέχρηνται τοῖσ Ἕλλησι, τί με δεῖ κατὰ μέροσ λέγειν; εἰσ τοῦτο δ’ ὕβρεωσ ἦλθε καὶ παρανομίασ ὡσ φυγαδοθήρασ καταστήσασ ἐξέπεμψε πρὸσ τὰσ πόλεισ ἐπὶ τοὺσ ἀντειρηκότασ ἢ καθόλου λελυπηκότασ τι τὴν Μακεδόνων οἰκίαν.

ὧν οἱ μὲν ἐκ τῶν ἱερῶν ἀγόμενοι μετὰ βίασ, οἱ δ’ ἀπὸ τῶν βωμῶν ἀποσπώμενοι, μετὰ τιμωρίασ ἀπέθνησκον, οἱ δὲ διαφυγόντεσ ἐκ πάσησ ἐξενηλατοῦντο τῆσ Ἑλλάδοσ·

φύξιμον γὰρ οὐδὲν ἦν πλὴν ἑνὸσ αὐτοῖσ τοῦ τῶν Αἰτωλῶν ἔθνουσ. τά γε μὴν Κασσάνδρῳ καὶ Δημητρίῳ πεπραγμένα, σὺν δὲ τούτοισ Ἀντιγόνῳ τῷ Γονατᾷ, τίσ οὐκ οἶδε;

διὰ γὰρ τὸ προσφάτωσ αὐτὰ γεγονέναι τελέωσ ἐναργῆ συμβαίνει τὴν γνῶσιν αὐτῶν ὑπάρχειν. ὧν οἱ μὲν φρουρὰσ εἰσάγοντεσ εἰσ τὰσ πόλεισ, οἱ δὲ τυράννουσ ἐμφυτεύοντεσ οὐδεμίαν πόλιν ἄμοιρον ἐποίησαν τοῦ τῆσ δουλείασ ὀνόματοσ.

ἀφέμενοσ δὲ τούτων ἐπάνειμι νῦν ἐπὶ τὸν τελευταῖον Ἀντίγονον, ἵνα μὴ τὴν ἐκ τούτου πρᾶξιν ἀκάκωσ τινὲσ ὑμῶν θεωροῦντεσ ὑπόχρεοι χάριτι νομίζωσιν εἶναι Μακεδόσιν.

οὔτε γὰρ Ἀχαιοὺσ σῴζειν προαιρούμενοσ Ἀντίγονοσ ἐπανείλετο τὸν πρὸσ ὑμᾶσ πόλεμον οὔτε τῇ Κλεομένουσ τυραννίδι δυσαρεστούμενοσ, ἵνα Λακεδαιμονίουσ ἐλευθερώσῃ·

καὶ λίαν γὰρ ὅ γε τοιοῦτόσ ἐστι τρόποσ εὐήθησ, εἴ τισ ἄρα ταύτην ὑμῶν ἔχει τὴν διάληψιν·

ἅμα φοβηθεὶσ καὶ φθονήσασ παρῆν, οὐ Πελοποννησίοισ βοηθήσων, ἀλλὰ τὰσ ὑμετέρασ ἐλπίδασ ἀφελούμενοσ καὶ τὴν ὑμετέραν ὑπεροχὴν ταπεινώσων.

διόπερ οὐκ ἐπὶ τοσοῦτον ἀγαπᾶν ὀφείλετε Μακεδόνασ, ὅτι κυριεύσαντεσ τῆσ πόλεωσ οὐ διήρπασαν, ἐφ’ ὅσον ἐχθροὺσ νομίζειν καὶ μισεῖν, ὅτι δυναμένουσ ὑμᾶσ ἡγεῖσθαι τῆσ Ἑλλάδοσ πλεονάκισ ἤδη κεκωλύκασι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 29

(폴리비오스, Histories, book 9, chapter 29)

상위

목록

SEARCH

MENU NAVIGATION