헬라어 문장 검색 - ΠολψβίΗιστορί09́023́

(폴리비오스, Histories, book 9, chapter 22)

Ὅτι τῶν ἑκατέροισ, Ῥωμαίοισ φημὶ καὶ Καρχηδονίοισ, προσπιπτόντων καὶ συμβαινόντων εἷσ ἦν ἀνὴρ αἴτιοσ καὶ μία ψυχή, λέγω δὲ τὴν Ἀννίβου. τά τε γὰρ κατὰ τὴν Ἰταλίαν ὁμολογουμένωσ οὗτοσ ἦν ὁ χειρίζων, τά τε κατὰ τὴν Ἰβηρίαν διὰ τοῦ πρεσβυτέρου τῶν ἀδελφῶν Ἀσδρούβου, μετὰ δὲ ταῦτα διὰ τοῦ [πρεσβύτου] Μάγωνοσ·

οἱ γὰρ τοὺσ τῶν Ῥωμαίων στρατηγοὺσ ἀμφοτέρουσ ἀποκτείναντεσ [ἅμα] κατὰ τὴν Ἰβηρίαν ἦσαν οὗτοι.

καὶ μὴν τὰ κατὰ τὴν Σικελίαν ἔπραττε τὰσ μὲν ἀρχὰσ διὰ τῶν περὶ τὸν Ἱπποκράτην, ὕστερον δὲ διὰ Μυττόνου τοῦ Λίβυοσ.

ὁμοίωσ δὲ καὶ κατὰ τὴν Ἑλλάδα καὶ τὴν Ἰλλυρίδα·

καὶ τὸν ἀπὸ τούτων τῶν τόπων φόβον ἀνατεινόμενοσ ἐξέπληττε καὶ περιέσπα Ῥωμαίουσ διὰ τῆσ πρὸσ Φίλιππον κοινοπραγίασ. οὕτωσ μέγα τι φύεται χρῆμα καὶ θαυμάσιον ἀνὴρ καὶ ψυχὴ δεόντωσ ἁρμοσθεῖσα κατὰ τὴν ἐξ ἀρχῆσ σύστασιν πρὸσ ὅ,τι ἂν ὁρμήσῃ τῶν ἀνθρωπίνων ἔργων.

Ἐπεὶ δ’ ἡ τῶν πραγμάτων διάθεσισ εἰσ ἐπίστασιν ἡμᾶσ ἦχε περὶ τῆσ Ἀννίβου φύσεωσ, ἀπαιτεῖν ὁ καιρὸσ δοκεῖ μοι τὰσ μάλιστα διαπορουμένασ ἰδιότητασ ὑπὲρ αὐτοῦ δηλῶσαι.

τινὲσ μὲν γὰρ ὠμὸν αὐτὸν οἰόνται γεγονέναι καθ’ ὑπερβολήν, τινὲσ δὲ φιλάργυρον.

τὸ δ’ ἀληθὲσ εἰπεῖν ὑπὲρ αὐτοῦ καὶ τῶν ἐν πράγμασιν ἀναστρεφομένων οὐ ῥᾴδιον. ἔνιοι μὲν γὰρ ἐλέγχεσθαί φασι τὰσ φύσεισ ὑπὸ τῶν περιστάσεων, καὶ τοὺσ μὲν ἐν ταῖσ ἐξουσίαισ καταφανεῖσ γίνεσθαι, κἂν ὅλωσ τὸν πρὸ τοῦ χρόνον ἀναστέλλωνται, τοὺσ δὲ πάλιν ἐν ταῖσ ἀτυχίαισ.

ἐμοὶ δ’ ἔμπαλιν οὐχ ὑγιὲσ εἶναι δοκεῖ τὸ λεγόμενον·

οὐ γὰρ ὀλίγα μοι φαίνονται, τὰ δὲ πλεῖστα, ποτὲ μὲν διὰ τὰσ τῶν φίλων παραθέσεισ, ποτὲ δὲ διὰ τὰσ τῶν πραγμάτων ποικιλίασ, ἄνθρωποι παρὰ τὴν αὑτῶν προαίρεσιν ἀναγκάζεσθαι καὶ λέγειν καὶ πράττειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 22

(폴리비오스, Histories, book 9, chapter 22)

상위

목록

SEARCH

MENU NAVIGATION