헬라어 문장 검색 - ΠολψβίΗιστορί09́015́

(폴리비오스, Histories, book 9, chapter 14)

Τῶν δὲ προειρημένων τὰ μὲν ἐκ τριβῆσ, τὰ δ’ ἐξ ἱστορίασ, τὰ δὲ κατ’ ἐμπειρίαν μεθοδικὴν θεωρεῖται. κάλλιστον μὲν οὖν τὸ γινώσκειν αὐτὸν καὶ τὰσ ὁδοὺσ καὶ τὸν τόπον, ἐφ’ ὃν δεῖ παραγενέσθαι, καὶ τὴν φύσιν τοῦ τόπου, πρὸσ δὲ τούτοισ, δι’ ὧν μέλλει καὶ μεθ’ ὧν πράττειν.

δεύτερον δ’ ἱστορεῖν ἐπιμελῶσ καὶ μὴ πιστεύειν τοῖσ τυχοῦσι·

τὴν δὲ τῶν καθηγουμένων πίστιν ἐπί τι τῶν τοιούτων ἐν τοῖσ ἑπομένοισ ἀεὶ δεῖ κεῖσθαι. ταῦτα μὲν οὖν καὶ τὰ τούτοισ παραπλήσια δυνατὸν ἴσωσ καὶ δι’ αὐτῆσ τῆσ στρατιωτικῆσ τριβῆσ περιγίνεσθαι τοῖσ ἡγουμένοισ, τὰ μὲν ἐξ αὐτουργίασ, τὰ δ’ ἐξ ἱστορίασ·

τὰ δ’ ἐκ τῆσ ἐμπειρίασ προσδεῖται μαθήσεωσ καὶ θεωρημάτων, καὶ μάλιστα τῶν ἐξ ἀστρολογίασ καὶ γεωμετρίασ, ὧν τὸ μὲν ἔργον οὐ μέγα πρόσ γε ταύτην τὴν χρείαν, τὸ δὲ χρῆμα μέγα καὶ μεγάλα συνεργεῖν δυνάμενον πρὸσ τὰσ προειρημένασ ἐπιβολάσ.

ἀναγκαιότατον δ’ αὐτοῦ τὸ περὶ τὰσ νυκτερινὰσ θεωρίασ καὶ τὰσ ἡμερινάσ.

εἰ μὲν γὰρ ἴσασ εἶναι συνέβαινεν ἀεὶ ταύτασ, οὐδ’ ἧστινοσ ἂν ἀσχολίασ τὸ πρᾶγμα προσεδεῖτο, κοινὴ δ’ ἂν ἦν ἁπάντων ἡ γνῶσισ· ἐπεὶ δ’ οὐ μόνον ἔχει τὰ προειρημένα πρὸσ ἄλληλα διαφοράν, ἀλλὰ καὶ πρὸσ αὑτά, δῆλον ὡσ ἀνάγκη γινώσκειν τὰσ αὐξήσεισ καὶ μειώσεισ ἑκατέρων.

πῶσ γὰρ ἄν τισ εὐστοχήσειε πορείασ καὶ διανύσματοσ ἡμερησίου, πῶσ δὲ νυκτερινοῦ, μὴ κατανοήσασ τὰσ τῶν προειρημένων διαφοράσ;

καὶ μὴν οὐδὲν πρὸσ τὸν δέοντα καιρὸν ἐξικέσθαι δυνατὸν ἄνευ τῆσ τούτων ἐμπειρίασ, ἀλλὰ ποτὲ μὲν ὑστερεῖν, ποτὲ δὲ προτερεῖν ἀνάγκη.

μεῖζον δὲ τὸ προτερεῖν ἐν μόνοισ τούτοισ ἁμάρτημα τοῦ καθυστερεῖν·

ἐγγίσασ καὶ γνωρισθεὶσ οὐ μόνον ἀποτυγχάνει τῆσ ἐπιβολῆσ, ἀλλὰ καὶ κινδυνεύει τοῖσ ὅλοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 14

(폴리비오스, Histories, book 9, chapter 14)

상위

목록

SEARCH

MENU NAVIGATION