헬라어 문장 검색 - ΠολψβίΗιστορί09́010́

(폴리비오스, Histories, book 9, iii. res siciliae)

Οὐκ ἐκ τῶν ἔξω κοσμεῖται πόλισ, ἀλλ’ ἐκ τῆσ τῶν οἰκούντων ἀρετῆσ. Ἐκρίθη μὲν οὖν διὰ τοῦτο τοῖσ Ῥωμαίοισ τὰ προειρημένα μετακομίζειν εἰσ τὴν ἑαυτῶν πατρίδα καὶ μηδὲν ἀπολιπεῖν·

πότερα δ’ ὀρθῶσ τοῦτο καὶ συμφερόντωσ αὑτοῖσ ἔπραξαν ἢ τἀναντία, πολὺσ ἂν εἰή λόγοσ, πλείων γε μὴν εἰσ τὸ μὴ δεόντωσ σφίσι πεπρᾶχθαι μηδ’ ἀκμὴν νῦν πράττεσθαι τοῦτο τοὔργον.

εἰ μὲν γὰρ ἐκ τοιούτων ὁρμηθέντεσ προεβίβασαν τὴν πατρίδα, δῆλον ὡσ εἰκότωσ ταῦτα μετέφερον εἰσ τὴν οἰκείαν, δι’ ὧν ηὐξήθησαν.

εἰ δ’ ἁπλουστάτοισ χρώμενοι βίοισ καὶ πορρωτάτω τῆσ ἐν τούτοισ περιττότητοσ καὶ πολυτελείασ ἀφεστῶτεσ ὅμωσ ἐπεκράτουν τούτων αἰεὶ παρ’ οἷσ ὑπῆρχε πλεῖστα καὶ κάλλιστα τὰ τοιαῦτα, πῶσ οὐ νομιστέον εἶναι τὸ γινόμενον ὑπ’ αὐτῶν ἁμάρτημα;

τὸ γὰρ ἀπολιπόντασ τὰ τῶν νικώντων ἔθη τὸν τῶν ἡττωμένων ζῆλον ἀναλαμβάνειν, προσεπιδραττομένουσ ἅμα καὶ τὸν ἐξακολουθοῦντα τοῖσ τοιούτοισ φθόνον, ὃ πάντων ἐστὶ φοβερώτατον ταῖσ ὑπεροχαῖσ, ὁμολογούμενον ἂν εἴποι τισ εἶναι τῶν πραττόντων παράπτωμα.

οὐ γὰρ οὕτωσ ὁ θεώμενοσ οὐδέποτε μακαρίζει τοὺσ τἀλλότρια κεκτημένουσ, ὡσ ἐν τῷ φθονεῖν ἅμα καί τισ ἔλεοσ αὐτὸν ὑποτρέχει τῶν ἐξ ἀρχῆσ ἀποβαλόντων.

ἐπὰν δὲ καὶ προβαίνῃ τὰ τῆσ εὐκαιρίασ καὶ πάντα συνάγῃ πρὸσ αὑτὸν τὰ τῶν ἄλλων, καὶ ταῦτα συγκαλῇ τρόπον τινὰ τοὺσ ἐστερημένουσ ἐπὶ θέαν, διπλάσιον γίνεται τὸ κακόν.

οὐ γὰρ ἔτι τοὺσ πέλασ ἐλεεῖν συμβαίνει τοὺσ θεωμένουσ, ἀλλὰ σφᾶσ αὐτούσ, ἀναμιμνησκομένουσ τῶν οἰκείων συμπτωμάτων.

ἐξ ὧν οὐ μόνον φθόνοσ, ἀλλ’ οἱο͂ν ὀργή τισ ἐκκαίεται πρὸσ τοὺσ εὐτυχοῦντασ·

ἡ γὰρ τῶν ἰδίων περιπετειῶν ἀνάμνησισ ὡσ ἂν εἰ προτροπή τισ ἐστι πρὸσ τὸ κατὰ τῶν πραξάντων μῖσοσ. τὸ μὲν οὖν τὸν χρυσὸν καὶ τὸν ἄργυρον ἁθροίζειν πρὸσ αὑτοὺσ ἴσωσ ἔχει τινὰ λόγον·

οὐ γὰρ οἱο͂́ν τε τῶν καθόλου πραγμάτων ἀντιποιήσασθαι μὴ οὐ τοῖσ μὲν ἄλλοισ ἀδυναμίαν ἐνεργασαμένουσ, σφίσι δὲ τὴν τοιαύτην δύναμιν ἑτοιμάσαντασ. τὰ δ’ ἐκτὸσ ὑπάρχοντα τῆσ προειρημένησ δυνάμεωσ ἦν ἐν τοῖσ ἐξ ἀρχῆσ τόποισ ἅμα τῷ φθόνῳ καταλιπόντασ ἐνδοξοτέραν ποιεῖν τὴν σφετέραν πατρίδα, μὴ γραφαῖσ καὶ τύποισ, ἀλλὰ σεμνότητι καὶ μεγαλοψυχίᾳ κοσμοῦντασ αὐτήν.

οὐ μὴν ἀλλὰ ταῦτα μὲν εἰρήσθω μοι χάριν τῶν μεταλαμβανόντων ἀεὶ τὰσ δυναστείασ, ἵνα μὴ σκυλεύοντεσ τὰσ πόλεισ κόσμον ὑπολαμβάνωσιν εἶναι ταῖσ ἑαυτῶν πατρίσι τὰσ ἀλλοτρίασ συμφοράσ·

Ῥωμαῖοι δὲ μετακομίσαντεσ τὰ προειρημένα ταῖσ μὲν ἰδιωτικαῖσ κατασκευαῖσ τοὺσ αὑτῶν ἐκόσμησαν βίουσ, ταῖσ δὲ δημοσίαισ τὰ κοινὰ τῆσ πόλεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, iii. res siciliae

(폴리비오스, Histories, book 9, iii. res siciliae)

상위

목록

SEARCH

MENU NAVIGATION