헬라어 문장 검색 - ΠολψβίΗιστορί09́004́

(폴리비오스, Histories, book 9, chapter 4)

ἔμενε δ’ ἐν τῇ παρεμβολῇ τετολμηκότωσ, σαφῶσ εἰδὸσ ἀβλαβῆ τὴν ἵππον αὐτοῖσ ἐσομένην, ὑφ’ ἧσ ἐν ταῖσ μάχαισ ἡττᾶτο. οἵ τε Καρχηδόνιοι πάλιν εὐλόγωσ οὔτε στρατοπεδεύσαντεσ μετὰ τῆσ ἵππου μένειν ἐδύναντο πλείω χρόνον διὰ τὸ τὰ μὲν ἐν τῇ παρακειμένῃ χώρᾳ χορτάσματα πάντα κατεφθαρκέναι τοὺσ Ῥωμαίουσ αὐτοῦ τούτου χάριν, τοῖσ δὲ νώτοισ οὐκ ἐφικτὸν εἶναι τοσαύτῃ μὲν ἵππῳ, τοσούτοισ δ’ ὑποζυγίοισ κατανύσαι χόρτον ἢ κριθὰσ κομίζοντασ ἐκ μακροῦ διαστήματοσ·

οὔτε μὴν ἄνευ τῶν ἱππέων παραστρατοπεδεύσαντεσ ἐθάρρουν πολιορκεῖν χάρακα καὶ τάφρον προβεβλημένουσ τοὺσ ὑπεναντίουσ, πρὸσ οὓσ καὶ τὸν ἐξ ἴσου κίνδυνον αὐτοῖσ ἀμφίδοξον εἶναι συνέβαινε χωρὶσ τῶν ἱππέων.

ἔτι δὲ πρὸσ τούτοισ ἠγωνίων καὶ τοὺσ ἐπικαθισταμένουσ ὑπάτουσ μὴ παραγενηθέντεσ ἐπιστρατοπεδεύσαιεν καὶ πολλὴν ἀπορίαν σφίσι παραστήσαιεν, ἀφελόμενοι τὴν τῶν χορηγιῶν ἐπάρκειαν.

ἐξ ὧν συλλογιζόμενοσ Ἀννίβασ ἀδύνατον ὑπάρχον τὸ διὰ τῆσ ἐκ χειρὸσ βίασ λῦσαι τὴν πολιορκίαν, ἐπ’ ἄλλησ ἐγένετο γνώμησ.

ὑπέλαβε γάρ, εἰ λαθραίαν ποιησάμενοσ τὴν πορείαν αἰφνιδίωσ ἐπιφανείη τοῖσ κατὰ τὴν Ῥώμην τόποισ, ἴσωσ μὲν ἂν καὶ περὶ τὴν πόλιν ἀνύσασθαί τι τῶν χρησίμων, ἐκπλήξασ τῷ παραδόξῳ τοὺσ ἐνοικοῦντασ·

εἰ δὲ μὴ τοῦτο, τούσ γε περὶ τὸν Ἄππιον ἀναγκάσειν ἢ λύειν τὴν πολιορκίαν, σπεύδοντασ τῇ πατρίδι βοηθεῖν, ἢ διαιροῦντασ τὴν δύναμιν εὐκαταγωνίστουσ ὑπάρξειν καὶ τοὺσ βοηθοῦντασ καὶ τοὺσ ἀπολειπομένουσ αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, chapter 4

(폴리비오스, Histories, book 9, chapter 4)

상위

목록

SEARCH

MENU NAVIGATION