헬라어 문장 검색 - ΠολψβίΗιστορί09́003́

(폴리비오스, Histories, book 9, ii. res italiae)

Ἀννίβασ δὲ κύκλῳ περιλαμβάνων τὸν χάρακα τοῦ Ἀππίου τὸ μὲν πρῶτον ἠκροβολίζετο καὶ κατεπείραζε, βουλόμενοσ ἐκκαλεῖσθαι πρὸσ μάχην· οὐδενὸσ δὲ συνυπακούοντοσ τέλοσ ἐγίνετο πολιορκίᾳ παραπλήσιον τὸ συμβαῖνον, τῶν μὲν ἱππέων ἐπιφερομένων ταῖσ ἴλαισ καὶ μετὰ κραυγῆσ εἰσακοντιζόντων εἰσ τὴν παρεμβολήν, τῶν δὲ πεζῶν κατὰ σπείρασ προσπιπτόντων καὶ διασπᾶν τὸ χαράκωμα πειρωμένων.

οὐ μὴν ἀλλ’ οὐδ’ ὣσ ἐδύνατο κινῆσαι τοὺσ Ῥωμαίουσ ἐκ τῆσ ὑποκειμένησ προθέσεωσ, ἀλλὰ τοῖσ μὲν εὐζώνοισ ἀπετρίβοντο τοὺσ προσπίπτοντασ πρὸσ τὸν χάρακα, τοῖσ δὲ βαρέσι τῶν ὅπλων ἀσφαλιζόμενοι τὴν ἐπιφορὰν τῶν βελῶν ἔμενον ἐν τάξει κατὰ τὰσ σημαίασ.

Ἀννίβασ δὲ δυσαρεστούμενοσ τοῖσ ὅλοισ διὰ τὸ μήτε παραπεσεῖν εἰσ τὴν πόλιν δύνασθαι μήτ’ ἐκκαλεῖσθαι τοὺσ Ῥωμαίουσ, ἐβουλεύετο περὶ τῶν ἐνεστώτων τί χρὴ ποιεῖν.

ἐμοὶ δ’ οὐ μόνοισ ἂν δοκεῖ Καρχηδονίοισ τὰ τότε συμβαίνοντα παρέχειν ἀπορίαν, ἀλλὰ καὶ τῶν ἄλλων ἀνθρώπων τοῖσ πυθομένοισ.

τίσ γὰρ οὐκ ἂν ἀπιστήσαι πῶσ Ῥωμαῖοι, πολλαῖσ μὲν ἡττημένοι μάχαισ ὑπὸ Καρχηδονίων, οὐ τολμῶντεσ δὲ κατὰ πρόσωπον ἔτι συγκαθίστασθαι τοῖσ ὑπεναντίοισ, ὅμωσ οὔτ’ εἴκειν οἱοῖ́ τ’ ἦσαν οὔτ’ ἐκχωρεῖν τῶν ὑπαίθρων;

καὶ τὸν μὲν πρὸ τοῦ χρόνον ἀντιπαρῆγον μόνον ἀεὶ ταῖσ ὑπωρείαισ, τότε δὲ καθίσαντεσ εἰσ τὰ πεδία καὶ τὸν ἐπιφανέστατον τόπον τῆσ Ἰταλίασ ἐπολιόρκουν τὴν ἰσχυροτάτην πόλιν, κύκλῳ προσμαχομένων αὐτοῖσ τῶν πολεμίων, πρὸσ οὓσ οὐδ’ ἐπινοήσαντεσ οἱοῖ́ τ’ ἦσαν ἀντοφθαλμεῖν·

Καρχηδόνιοί τ’, ἀδιαλείπτωσ νικῶντεσ ταῖσ μάχαισ, οὐχ ἧττον ἐνίοισ καιροῖσ ἐδυσχρηστοῦντο τῶν ἡττωμένων.

δοκεῖ δέ μοι παραίτιον τοῦτο γεγονέναι τῆσ ἑκατέρων προαιρέσεωσ, τὸ παρ’ ἀμφοῖν συντεθεωρῆσθαι διότι τὸ παρ’ Ἀννίβου σύνταγμα τῶν ἱππέων αἴτιον ἦν καὶ τοῦ νικᾶν τοὺσ Καρχηδονίουσ καὶ τοῦ λείπεσθαι τοὺσ Ῥωμαίουσ.

διόπερ αἵ τε τῶν ἡττωμένων στρατοπέδων ἀντιπαραγωγαὶ μετὰ τὰσ μάχασ εὐθέωσ κατὰ λόγον ἐγίνοντο·

διὰ γὰρ τόπων τοιούτων ἀντιπαρῆγον ἐν οἷσ οὐδὲν ἔμελλε βλάψειν αὐτοὺσ τὸ τῶν ὑπεναντίων ἱππικόν. τά τε περὶ τὴν Καπύην τότε συμβαίνοντ’ εἰκότωσ ἑκατέροισ ἀπήντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, ii. res italiae

(폴리비오스, Histories, book 9, ii. res italiae)

상위

목록

SEARCH

MENU NAVIGATION