헬라어 문장 검색 - ΠολψβίΗιστορί09́001́

(폴리비오스, Histories, book 9, i. ex prooemio)

Αἱ μὲν οὖν ἐπιφανέσταται πράξεισ τῶν ὑπὸ τῆσ προειρημένησ ὀλυμπιάδοσ περιληφθεισῶν καὶ τοῦ τετραετοῦσ διαστήματοσ, ὅ φαμεν δεῖν ὀλυμπιάδα νομίζειν, εἰσὶν αὗται· περὶ ὧν ἡμεῖσ ἐν δυσὶ βυβλίοισ πειρασόμεθα ποιεῖσθαι τὴν ἐξήγησιν. οὐκ ἀγνοῶ δὲ διότι συμβαίνει τὴν πραγματείαν ἡμῶν ἔχειν αὐστηρόν τι καὶ πρὸσ ἓν γένοσ ἀκροατῶν οἰκειοῦσθαι καὶ κρίνεσθαι διὰ τὸ μονοειδὲσ τῆσ συντάξεωσ.

οἱ μὲν γὰρ ἄλλοι συγγραφεῖσ σχεδὸν ἅπαντεσ, εἰ δὲ μή γ’, οἱ πλείουσ, πᾶσι τοῖσ τῆσ ἱστορίασ μέρεσι χρώμενοι πολλοὺσ ἐφέλκονται πρὸσ ἔντευξιν τῶν ὑπομνημάτων.

τὸν μὲν γὰρ φιλήκοον ὁ γενεαλογικὸσ τρόποσ ἐπισπᾶται, τὸν δὲ πολυπράγμονα καὶ περιττὸν ὁ περὶ τὰσ ἀποικίασ καὶ κτίσεισ καὶ συγγενείασ, καθά που καὶ παρ’ Ἐφόρῳ λέγεται, τὸν δὲ πολιτικὸν ὁ περὶ τὰσ πράξεισ τῶν ἐθνῶν καὶ πόλεων καὶ δυναστῶν.

ἐφ’ ὃν ἡμεῖσ ψιλῶσ κατηντηκότεσ καὶ περὶ τοῦτον πεποιημένοι τὴν ὅλην τάξιν, πρὸσ ἓν μέν τι γένοσ, ὡσ προεῖπον, οἰκείωσ ἡρμόσμεθα, τῷ δὲ πλείονι μέρει τῶν ἀκροατῶν ἀψυχαγώγητον παρεσκευάκαμεν τὴν ἀνάγνωσιν.

τίνοσ δὲ χάριν τἄλλα μέρη τῆσ ἱστορίασ ἀποδοκιμάσαντεσ αὐτὰ τὰ κατὰ τὰσ πράξεισ προειλάμεθα γράφειν, ἐν ἑτέροισ ἡμῖν εἴρηται διὰ πλειόνων, κεφαλαιωδῶσ γε μὴν οὐδὲν ἐπέχει καὶ νῦν ἐμφάσεωσ χάριν ὑπομνῆσαι τοὺσ ἀκούοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 9, i. ex prooemio

(폴리비오스, Histories, book 9, i. ex prooemio)

상위

목록

SEARCH

MENU NAVIGATION