헬라어 문장 검색 - Πλυταρ́Σολον́14́

(플루타르코스, Σόλων, chapter 14)

ἐνταῦθα δὴ τῶν Ἀθηναίων οἱ φρονιμώτατοι συνορῶντεσ τὸν Σόλωνα μόνον μάλιστα τῶν ἁμαρτημάτων ἐκτὸσ ὄντα, καὶ μήτε τοῖσ πλουσίοισ κοινωνοῦντα τῆσ ἀδικίασ μήτε ταῖσ τῶν πενήτων ἀνάγκαισ ἐνεχόμενον, ἐδέοντο τοῖσ κοινοῖσ προσελθεῖν καὶ καταπαῦσαι τὰσ διαφοράσ. καίτοι Φανίασ ὁ Λέσβιοσ αὐτὸν ἱστορεῖ τὸν Σόλωνα, χρησάμενον ἀπάτῃ πρὸσ ἀμφοτέρουσ ἐπὶ σωτηρίᾳ τῆσ πόλεωσ, ὑποσχέσθαι κρύφα τοῖσ μὲν ἀπόροισ τὴν νέμησιν, τοῖσ δὲ χρηματικοῖσ βεβαίωσιν τῶν συμβολαίων. ἀλλ’ αὐτὸσ ὁ Σόλων ὀκνῶν φησι τὸ πρῶτον ἅψασθαι τῆσ πολιτείασ, καὶ δεδοικὼσ τῶν μὲν τὴν φιλοχρηματίαν, τῶν δὲ τὴν ὑπερηφανίαν.

ᾑρέθη δὲ ἄρχων μετὰ Φιλόμβροτον ὁμοῦ καὶ διαλλακτὴσ καὶ νομοθέτησ, δεξαμένων προθύμωσ αὐτὸν ὡσ μὲν εὔπορον τῶν πλουσίων, ὡσ δὲ χρηστὸν τῶν πενήτων. λέγεται δὲ καὶ φωνή τισ αὐτοῦ περιφερομένη πρότερον, εἰπόντοσ ὡσ τὸ ἴσον πόλεμον οὐ ποιεῖ, καὶ τοῖσ κτηματικοῖσ ἀρέσκειν καὶ τοῖσ ἀκτήμοσι, τῶν μὲν ἀξίᾳ καὶ ἀρετῇ, τῶν δὲ μέτρῳ καὶ ἀριθμῷ τὸ ἴσον ἕξειν προσδοκώντων· ὅθεν ἐπ’ ἐλπίδοσ μεγάλησ ἑκατέρων γενομένων οἱ προϊστάμενοι προσέκειντο τῷ Σόλωνι τυραννίδα προξενοῦντεσ καὶ ἀναπείθοντεσ εὐτολμότερον ἅψασθαι τῆσ πόλεωσ ἐγκρατῆ γενόμενον.

πολλοὶ δὲ καὶ τῶν διὰ μέσου πολιτῶν, τὴν ὑπὸ λόγου καὶ νόμου μεταβολὴν ὁρῶντεσ ἐργώδη καὶ χαλεπὴν οὖσαν, οὐκ ἔφευγον ἕνα τὸν δικαιότατον καὶ φρονιμώτατον ἐπιστῆσαι τοῖσ πράγμασιν. ἔνιοι δέ φασι καὶ μαντείαν γενέσθαι τῷ Σόλωνι Πυθοῖ τοιαύτην·

ἧσο μέσην κατὰ νῆα κυβερνητήριον ἔργον εὐθύνων· πολλοί τοι Ἀθηναίων ἐπίκουροι. μάλιστα δὲ οἱ συνήθεισ ἐκάκιζον εἰ διὰ τοὔνομα δυσωπεῖται τὴν μοναρχίαν, ὥσπερ οὐκ ἀρετῇ τοῦ λαβόντοσ εὐθὺσ ἂν βασιλείαν γενομένην, καὶ γεγενημένην πρότερον μὲν Εὐβοεῦσι Τυννώνδαν, νῦν δὲ Μιτυληναίοισ Πιττακὸν ᾑρημένοισ τύραννον. τούτων οὐδὲν ἐξέκρουσε τὸν Σόλωνα τῆσ αὑτοῦ προαιρέσεωσ, ἀλλὰ πρὸσ μὲν τοὺσ φίλουσ εἶπεν, ὡσ λέγεται, καλὸν μὲν εἶναι τὴν τυραννίδα χωρίον, οὐκ ἔχειν δὲ ἀπόβασιν, πρὸσ δὲ Φῶκον ἐν τοῖσ ποιήμασι γράφων·

εἰ δὲ γῆσ φησίν ἐφεισάμην πατρίδοσ, τυραννίδοσ δὲ καὶ βίησ ἀμειλίχου οὐ καθηψάμην μιάνασ καὶ καταισχύνασ κλέοσ, οὐδὲν αἰδεῦμαι· πλέον γὰρ ὧδε νικήσειν δοκέω πάντασ ἀνθρώπουσ. ὅθεν εὔδηλον ὅτι καὶ πρὸ τῆσ νομοθεσίασ μεγάλην δόξαν εἶχεν. ἃ δὲ φυγόντοσ αὐτοῦ τὴν τυραννίδα πολλοὶ καταγελῶντεσ ἔλεγον, γέγραφεν οὕτωσ·

οὐκ ἔφυ Σόλων βαθύφρων οὐδὲ βουλήεισ ἀνήρ· ἐσθλὰ γὰρ θεοῦ διδόντοσ αὐτὸσ οὐκ ἐδέξατο. περιβαλὼν δ’ ἄγραν ἀγασθεὶσ οὐκ ἐπέσπασεν μέγα δίκτυον, θυμοῦ θ’ ἁμαρτῇ καὶ φρενῶν ἀποσφαλείσ. ἤθελον γάρ κεν κρατήσασ, πλοῦτον ἄφθονον λαβὼν καὶ τυραννεύσασ Ἀθηνῶν μοῦνον ἡμέραν μίαν, ἀσκὸσ ὕστερον δεδάρθαι κἀπιτετρῖφθαι γένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 14

(플루타르코스, Σόλων, chapter 14)

상위

목록

SEARCH

MENU NAVIGATION