Plutarch, Publicola, chapter 23 2:

ὁ δὲ Ποπλικόλασ τόν τε θρίαμβον ἀγαγὼν καὶ τοῖσ μετ’ αὐτὸν ἀποδειχθεῖσιν ὑπάτοισ παραδοὺσ τὴν πόλιν εὐθὺσ ἐτελεύτησεν, ὡσ ἐφικτόν ἐστιν ἀνθρώποισ μάλιστα τοῖσ νενομισμένοισ καλοῖσ καὶ ἀγαθοῖσ, τόν ἑαυτοῦ βίον ἐκτελειώσασ. ὁ δὲ δῆμοσ ὥσπερ οὐδὲν εἰσ ζῶντα τῶν ἀξίων πεποιηκώσ, ἀλλὰ πᾶσαν ὀφείλων χάριν, ἐψηφίσατο δημοσίᾳ ταφῆναι τὸ σῶμα, καὶ τεταρτημόριον ἕκαστον ἐπὶ τιμῇ συνεισενεγκεῖν.