Plutarch, Publicola, chapter 22 1:

τὰ δὲ Σαβίνων οὕτω διακριθέντα τῷ μετοικισμῷ τῶν ἀνδρῶν, οὐκ εἰάσαν οἱ δημαγωγοῦντεσ ἀτρεμῆσαι καί καταστῆναι, σχετλιάζοντεσ εἰ Κλαῦσοσ ἃ παρὼν οὐκ ἔπεισε διαπράξεται φυγὰσ γενόμενοσ καί πολέμιοσ, μὴ δοῦναι δίκην Ῥωμαίουσ ὧν ὑβρίζουσιν. ἄραντεσ οὖν στρατῷ μεγάλῳ περὶ Φιδήνασ κατηυλίσαντο, καί τινα λόχον θέμενοι πρὸ τῆσ Ῥώμησ ἐν χωρίοισ συνηρεφέσι καί κοίλοισ δισχιλίουσ ὁπλίτασ, ἔμελλον ἅμ’ ἡμέρᾳ φανερῶσ ὀλίγοισ ἱππεῦσι λείαν ἐλαύνειν.